Onlayn ictimai-siyasi qəzet
Putin ABŞ-la danışıqları bir-biri ilə ziddiyyət yaşayan iki qrupa həvalə edib - ŞOK
Vladimir Putinin yaxın çevrəsinə daxil olan, Rusiya Birbaşa İnvestisiyalar Fondunun rəhbəri Kirill Dmitriyev Vaşinqtonda Donald Trampın xüsusi nümayəndəsi Stiv Vitkoffla görüşüb.
Musavat.com “Qordon media”ya istinadən xəbər verir ki, bu səfər Rusiya üçün irəliləyiş kimi qiymətləndirilir, çünki müharibə başladıqdan sonra ilk dəfə bir rusiyalı rəsmi ABŞ-a rəsmi səfər edib.
Lakin gün ərzində Rusiya Xarici İşlər Nazirliyi bu barədə heç bir məlumat yaymayıb, Kremlin sözçüsü Dmitri Peskov isə yalnız qısa şəkildə “Biz müxtəlif kanallarla dialoqu davam etdiririk” deməklə kifayətlənib.
“Agentstvo” portalının mənbələrinə görə, Kremlin və XİN-in susqunluğu Putinin Vaşinqtonla danışıqlara bir-biri ilə yaxşı münasibətdə olmayan və 18 fevralda Ər-Riyadda keçirilmiş görüşdə hətta masa arxasındakı yer üstündə mübahisə edən iki komandaya icazə verməsi ilə əlaqədardır.
Qərb mediası Ər-Riyaddakı görüşdən bir neçə gün əvvəl Dmitriyevin ABŞ-la danışıqlarda mühüm rol oynadığını vurğulasa da, 18 fevral görüşünün görüntülərində onun masa arxasında olmadığı görünür. Rəsmi olaraq danışıqlara Rusiya nümayəndə heyətinə XİN rəhbəri Sergey Lavrov və Putinin köməkçisi Yuri Uşakov başçılıq edib.
“Agentstvo”nun məlumatına görə, Ər-Riyaddakı danışıqlardan əvvəl Putin Lavrova “nümayəndə heyəti yalnız iki nəfərdən – Lavrov və Uşakovdan ibarət olacağıını” deyib. Ancaq daha sonra Dmitriyev Putinlə görüşərək danışıqlarda iştirak etmək üçün icazə istəyib və Putin razılıq verib. Lakin Lavrov bu barədə məlumatlandırılmayıb.
Görüş zalında rus nümayəndə heyəti üçün üç kreslo olduğunu görəndə Lavrov təəccüblənib. Ona üçüncü kreslonun Dmitriyev üçün olduğunu izah edəndə isə Lavrov kreslonu masadan kənara çəkilərək bunları deyib:
“Əgər o iştirak etmək istəyirsə, qoy Vladimir Vladimiroviç özü mənə desin”.
Bundan sonra Dmitriyev zalı tərk edib və jurnalistlərlə dəhlizdə söhbətə başlayıb. Nəticədə Dmitriyev yenə də masa arxasına keçə bilib. Mənbənin sözlərinə görə, texniki fasilələrdən birində Lavrov zaldan çıxıb və geri qayıdanda Dmitriyevi artıq masa arxasında əyləşmiş halda görüb.
“Amerikalılar da həmin vaxt qayıdırdılar, bu səbəbdən Lavrov üçün mübahisə etmək yersiz olardı. Dmitriyev özü: “Heç olmasa 15 dəqiqə oturmağıma icazə verin”, - deyə Lavrova müraciət edib.
“Agentstvo”nun mənbəsinin fikrincə, Putinin məmurlarla ünsiyyət tərzi danışıqlara birbaşa təsir edir.
“Hər kəs Putinə tək-tək gedir və o, hərəsinə ayrı söz deyir. Məhz buna görə də Rusiyanın danışıqlardakı tələblərini heç kim dəqiq ifadə edə bilmir”, - deyə mənbə bildirib.
Musavat.com
XƏBƏR LENTİ
04 Aprel 2025
ŞƏRHLƏRŞƏRH YAZ