Onlayn ictimai-siyasi qəzet
"Putin 8 dəqiqəlik çıxışında ona görə "nüvə silahı" ifadəsini işlətmədi ki... " - Politoloqdan İLGİNC ŞƏRH
Xəbər verdiyimiz kimi Rusiya prezidenti Vladimir Putin təcili bəyanatla çıxış edib.
Putin ABŞ və Böyük Britaniya raketləri ilə Rusiya ərazisinə zərbələr endirilməsinin Rusiya-Ukrayna müharibəsini regional qarşıdurmadan qlobal qarşıdurmaya çevrildiyini bidirib.
"Putin haqlıdır, ancaq bu haqda Ukraynaya qarşı müharibəyə başlamadan əvvəl düşünmək lazım idi".
Musavat.com bildirir ki, bu barədə politoloq Elxan Şahinoğlu Putinin çıxışını şərh edərkən bildirib.
Politoloq həmçinin Putinin çıxışında "nüvə silahı” ifadəsi işlətmədiyinə diqqət çəkib:
"Putinin sözlərinə görə, Rusiya ərazisini hədəf alan raketlər məhz amerikalı hərbçilər tərəfindən idarə olunur, çünki ukraynalı hərbçilər həmin raketləri idarə edə bilməzlər. Putin bu məsələdə də haqlı ola bilər. Ancaq yenə eyni sual yaranır: İkinci Dünya Müharibəsindən sonra ilk dəfə Rusiya ərazisində niyə partlayışlar baş verir?
Vladimir Putin televiziya çıxışında “təcavüzkar hərəkətlərin eskalasiyası halında biz də qətiyyətlə və qarşılıqlı şəkildə cavab verəcəyik” ifadəsini işlədib. Ancaq Putin təxminən 8 dəqiqəlik çıxışının heç bir yerində “nüvə silahı” ifadəsi işlətməyib. Kreml sahibi bununla nüvə müharibəsi təhlükəsinin miqyasını anladığına və bundan çəkinəcəyinə işarə edib. O danışıqlardan imtina etmədiyi fikrini bir daha xatırladıb".
Elxan Şahinoğlunun fikrincə, bütün bunlara rəğmən, tərəflər bir-birlərinə uzaq mənzilli raketlərlə zərbələr endirməkdə davam edəcəklər.
"Hazırda gərginliyin artmasında Ukrayna maraqlı görünür, Kiyev Rusiya ərazisini ABŞ və Böyük Britaniya raketləri ilə vurduqca Kremlin Vaşinqton və Londonla qarşıdurması artır. Kiyev bununla müharibəni Putinin də dediyi kimi qlobal müstəviyə keçirir", deyə politoloq qeyd edib.
Xalidə Gəray
Musavat.com
XƏBƏR LENTİ
22 Noyabr 2024
21 Noyabr 2024
ŞƏRHLƏRŞƏRH YAZ