Onlayn ictimai-siyasi qəzet
Priqojindən ŞOK ETİRAF: “ABŞ seçkilərinə müdaxilə etmişik”
Sankt-Peterburqlu iş adamı, Kremlin strateqlərindən biri olan Yevgeni Priqojin özünə tabe strukturların ABŞ-dakı seçki kampaniyasına müdaxilə etdiyini təsdiqləyib.
Musavat.com xarici agentliklərə istinadən xəbər verir ki, Priqojin ABŞ Konqresinə seçkilər öncəsi internetdə Rusiya ilə əlaqəli olduğu düşünülən trolların aşkarlanmasıyla bağlı suallara cavab verib.
“Mən sizə çox incə bir cavab verəcəyəm və üzr istəyirəm, müəyyən qeyri-müəyyənliyə yol verəcəyəm. Cənablar, bəli, biz qarışdıq, qarışırıq və qarışacağıq. Diqqətlə, dəqiq, cərrahi üsulla və özümüz bildiyimiz kimi. Məqsədli əməliyyatlarımız zamanı bir anda həm böyrəyi, həm də qaraciyəri çıxaracağıq”, - deyə Priqojin bildirib.
Qeyd edək ki, noyabrın 3-də süni intellektdən istifadə edərək sosial medianın məzmununu təhlil edən “Graphika” şirkəti rus internet trollarının demokrat namizədləri təhqir edən siyasi karikaturalar yaydığını aşkarlamış və bunu mətbuata yaymışdı.
Oktyabrın 29-dan bəri analitiklər seçki öncəsi mübarizənin xüsusilə gərgin getdiyi ştatlarda (Corciya, Ohayo, Nyu-York və Pensilvaniya) demokrat namizədlərin trollandığını aşkar ediblər. Burada demokrat siyasətçilərin karikaturaları milyonlarla istifadəçilərə asanlıqla çatdırılır. Həmin proqramları və saxta botları Priqojinin qurduğu və mərkəzi Sankt-Peterburq şəhərində olan “İnternet Araşdırmalar Agentliyi” ilə əlaqəli olduğu ortaya çıxıb.
Musavat.com
XƏBƏR LENTİ
14 Oktyabr 2024
01:40 Bakıdan qovulan İran mollası Cəmkəranda ortaya çıxdı və Livana yavan çörək təklif etdi - VİDEO
13 Oktyabr 2024
ŞƏRHLƏRŞƏRH YAZ