Onlayn ictimai-siyasi qəzet
Paşinyanla kansler telefonda nədən danışıb?
“İndi Ermənistanın baş naziri yeni Qərb tərəfdaşlarından nə qədər qazana biləcəyini anlamağa çalışır”
Aprelin 9-da Ermənistanın baş naziri Nikol Paşinyanın Almaniya kansleri Olaf Şoltsla telefon danışığı bir daha subut edir ki, İrəvan diqqətini yalnız Qərbə yönəldib, Moskvanın regiondakı ən mühüm məsələlərin həllində təsir imkanlarını məhəl qoymur. Musavat.com xəbər verir ki, bu barədə news.ru yazır.
Qeyd olunur ki, Ermənistanın baş naziri Nikol Paşinyan aprelin 10-da parlamentdə çıxış edərək Rusiya ilə münasibətlərin “ağrılı” transformasiya mərhələsində olduğunu etiraf edib. O vurğulayıb ki, İrəvan Moskva ilə mübahisə etmək istəmir, çünki bu münasibətlər Ermənistanın suverenliyi, təhlükəsizliyi və iqtisadiyyatı üçün əhəmiyyətlidir. Eyni zamanda, onun sözlərinə görə, Ermənistan tərəfdaşları ilə münasibətlərdə səhvə yol verməyib, lakin baş nazir dolayısı ilə Rusiyanı və KTMT-ni vədləri pozduğuna görə qınayıb.
Ermənistan baş nazirinin Rusiya haqda çıxışı məlum Brüssel görüşündən və Berlinlə telefon danışıqlarından sonraya təsadüf edib.
Rusiyada bu səfəri özlərinə qarşı Qərbin növbəti planın kimi qiymətləndiriblər. Məlumata görə, Brüsseldə Ermənistanın Moskvanın təsirindən çıxmasına kömək etmək üçün İrəvana siyasi, iqtisadi, hərbi və humanitar yardım tədbirləri müzakirə edilib.
Aprelin 9-da Paşinyan Almaniya kansleri ilə telefonla danışaraq, Qərblə diplomatiya raundunu davam etdirib. Paşinyan alman həmkarına Ermənistanda demokratik islahatları dəstəklədiyinə, Almaniya və Avropa İttifaqının İrəvanla münasibətləri inkişaf etdirmək istəyinə görə təşəkkür edib.
Bundan əlavə, Paşinyanın ofisinin daha sonra rəsmi olaraq verdiyi məlumata görə, liderlər İrəvan və Bakı arasında danışıqlar prosesini də müzakirə ediblər. Rusiya Hökuməti yanında Maliyyə Universitetinin dosenti Gevorq Mirzəyanın sözlərinə görə, Paşinyanın son günlər Qərb diplomatik platformalarında vaxtilə verdiyi bəyanatları təfərrüatlı şəkildə sadalaması təsadüfi deyildi. Paşinyan heç bir halda, Moskvada və Soçidə, yəni Rusiya ərazisində əldə edilən razılaşmaları yada salmır. “Beləliklə, Paşinyan nümayişkaranə şəkildə Azərbaycanla bağlı problemlərinin həllini Qərb platformalarına ötürür, Moskvanı unudur ”, - Mirzəyan bildirib. Mirzəyan proqnozlaşdırır ki, bundan sonra Paşinyan Azərbaycanla problemlərin həllində Qərb platformalarından Rusiyadan daha effektiv olmasını təbliğ edəcək.
Ekspert xatırladır ki, ötən ilin oktyabrında Qranadada sözügedən görüşdə Azərbaycan prezidenti İlham Əliyev iştirak etməyib, ona görə də Bakı üçün bu görüşün nəticələrinin heç bir əhəmiyyəti yoxdur. “Azərbaycan Paşinyanın bu cür oyununu çox yaxşı başa düşür”, politoloq deyib.
Daha bir siyasi ekspert Aleksey Naumov deyib ki, Qərbin bütün zəmanətləri yalnız sözdə qalır və heç bir konkret öhdəlik daşımır. Onun sözlərinə görə, İrəvan “hələ də iki stulda oturmaq istəyir və hələ də Moskva ilə münasibətləri tamamilə pozmayıb”.
“İndi Paşinyan yeni Qərb tərəfdaşlarından nə qədər qazana biləcəyini anlamağa çalışır. İndiyədək İrəvan qırmızı xətləri keçməyib ki, bu da Gümrüdəki Rusiya hərbi bazasının, Rusiya sərhədçilərinin imtinası və Qərb hərbi personalının Ermənistan ərazisinə dəvət edilməsi olardı. O, Rusiyanın bir sıra daha mübahisəli addımlar atmasına imkan verəcəyinə inanaraq, çoxvektorlu siyasətini davam etdirir”, - Naumov deyib.
Naumov qeyd edib ki, Moskva hələ də Ermənistanı hesabdan çıxarmayıb və onunla münasibətləri saxlamağa çalışır. Bununla belə, ekspert hesab edir ki, yaxın vaxtlarda etimadı bərpa etmək mümkün olmayacaq.
“Münasibətlər əvvəlki kimi olmayacaq. Mənə elə gəlir ki, bu, hətta Rusiya üçün də yaxşıdır, çünki Rusiyanın xarici siyasətində Ermənistana həddən artıq önəm verilməsi Moskva üçün qismən maneə idi. Düşünürəm ki, biz bu mənzərənin balanslaşdırılmasını, Azərbaycanla daha sıx münasibətlərə keçidi görəcəyik ki, bu da yalnız Moskvanın, Bakının və bütövlükdə regionun xeyrinə olacaq. Rusiyanın qonşu Gürcüstanla münasibətləri getdikcə yaxşılaşır. Deməli, Ermənistanı itirən Rusiya deyil, Rusiyanı itirən Ermənistan olub”, - Naumov öz fikrini bildirib.
Musavat.com
XƏBƏR LENTİ
25 Dekabr 2024
ŞƏRHLƏRŞƏRH YAZ