Onlayn ictimai-siyasi qəzet
Odessa meri Puşkin və Vorontsovun abidələrinin sökülməsinə qarşı çıxıb
Odessanın meri Gennadi Truxanov rus şairi Aleksandr Puşkinin və knyaz Mixail Vorontsovun abidələrinin sökülməsinə qarşı çıxış edib, onun fikrincə, onlar şəhərə lazımdır.
Musavat.com xəbər verir ki, o, bu barədə iyulun 9-da Ukraynanın "Ukrinform" agentliyinə müsahibəsində bildirib.
“Məncə, şəhərin Puşkinin və Vorontsovun abidələrinə ehtiyacı var. Mən onları sökməyin əleyhinəyəm, çünki mən Odessa sakiniyəm, burada doğulmuşam. Bu abidələri bizim ulu babalarımız qoyublar. Puşkinin abidəsi vətəndaşların vəsaiti hesabına ucaldılıb. Əbəs yerə deyil ki, onun arxası meriyanın binasına, üzü isə bulvara, insanlaradır”, - deyə Truxanov şəhərdəki müvafiq abidələrin taleyi ilə bağlı sualı cavablandırıb.
O əlavə edib ki, Puşkin Ukrayna və dünya mədəniyyəti tarixinin bir hissəsidir.
“Vorontsova gəlincə, gəlin tarixə müraciət edək və görək bu adam Odessa üçün konkret olaraq nə edib. İndi informasiya məkanı açıqdır, hər kəs şəhərin yaranma tarixini oxuya bilər”, - Truxanov deyib.
O, həmçinin bildirib ki, Ukrayna hakimiyyəti sovet və rus irsi ilə bağlı bütün abidələrin sökülməsi məsələsində həddindən artıq radikal hərəkət edir.
“Biz balansı saxlamalıyıq və şişirtməməliyik. Bütün bunları sadəcə götürə bilməzsən. Şəhərimizin tarixi çox mürəkkəb və dolaşıqdır. Adının dəyişdirilməsi üçün obyektləri seçərkən faktları diqqətlə öyrənməlisiniz”, - mer qeyd edib.
Musavat.com
XƏBƏR LENTİ
29 Noyabr 2024
28 Noyabr 2024
ŞƏRHLƏRŞƏRH YAZ