Onlayn ictimai-siyasi qəzet
Nərimankənd, Moruxlu və Çanaqçı kənd sakinləri “Açıq mikrofon”da - FOTO
SOCAR “Azəriqaz” İB-nin bölgələrdə təşkil etdiyi “Səyyar qəbul otağı”na Gədəbəy rayonunun 3 kəndinin sakinləri müraciət edib.
Moruxlu kəndindən aksiyaya üz tutan Xatirə və Elşən Sadıqovlar eyni soyaddan olsa da, müxtəlif müraciətlərlə çıxış ediblər. Xatirə Sadıqova qapı keçidinin quraşdırılmasını, Elşən Sadıqov isə qaz sayğacının yerinin dəyişdirilməsini istəyib. Nərimankənd sakini Şakir Ələkbərovun timsalında Çanaqçı kəndindən qatılan 2 abonent təbii qaza tətbiq olunan limitin artırılması təklifini irəli sürüb.
Səbəb kimi yaşadıqları kəndin dağlıq ərazidə yerləşməsi və bu baxımdan havanın temperaturunun daha tez aşağı düşməsi göstərilib. Bu da öz növbəsində mavi yanacağa olan tələbatın artması deməkdir. Bütün müraciətlər dinlənilib qeydə alındıqdan sonra Şəmkir RQİİ-nin rəhbər şəxsləri tərəfindən vətəndaşlara ətraflı izahatlar verilib.
XƏBƏR LENTİ
02 Oktyabr 2024
ŞƏRHLƏRŞƏRH YAZ