Onlayn ictimai-siyasi qəzet
Neft Fondunun bu sahədən gəlirləri 8 dəfə azalıb
Bu ilin birinci rübündə Azərbaycan Dövlət Neft Fondunun gəlirlərində 38 faiz və ya 2 milyard manatlıq azalma var.
Musavat.com-un xəbərinə görə, iqtisadçı-ekspert Rövşən Ağayev bildirib ki, ötən ilin ilk rübündə Fondun gəlirləri 5,3 milyard manat olmuşdu, bu il təxminən 3,3 milyard manat təşkil edib.
Bu il Fondun xərclərində isə artım var:
"Bu il xərclər 3,6 milyard manata yaxın olub, ötən il 3,2 milyard manat olmuşdu. 2025-ci ilin 1-ci rübünü Fond 400 milyon manat kəsirlə başa vurub.
Neft Fondunun gəlirlərinin kəskin azalması aktivlərin idarə edilməsinə görə qazanclaırn kəskin azalması ilə bağlı olub.
Ötən ilin yanvar-mart aylarında idarəetmədən 1,9 milyard manata yaxın, bu ilin eyni dövründə 8 dəfə az (232 milyon manat) əldə edilib.
Neft-qaz satışından gəlirlər arasında fərq çox da böyük olmayıb: 2025-də 3 milyard manat, 2024-də isə 3,4 milyard manat təşkil etmişdi".
Musavat.com
XƏBƏR LENTİ
19 Aprel 2025
ŞƏRHLƏRŞƏRH YAZ