Onlayn ictimai-siyasi qəzet
"Müəllimlərin dərs saatı "qayğısı" keyfiyyətli dərslərə mane olur"
"Müəllimin əmək haqqının dərs saatına və ya stavkaya görə müəyyən edilməsi bir çox problemlər yaradır."
Musavat.com bildirir ki, bu barədə təhsil eksperti Elşən Qafarov deyib.
Ekspertin fikrincə, bu sistem müəllimi daimi və stabil gəlirdən məhrum edir, eyni zamanda təhsilin keyfiyyətinə də mənfi təsir göstərir:
"Müəllimlərin əmək haqqı dərs saatına əsaslandıqda, onların gəliri sabit olmur. Əgər bir müəllimin dərs saatı azalarsa, onun maaşı da azalır. Bu da müəllimin maliyyə təhlükəsizliyini risk altına qoyur. Halbuki, müəllim ştata qəbul edilsə, onun maaşı stabil olacaq və o, öz işini daha rahat və motivasiyalı şəkildə icra edəcək.
Müəllimlər ştata qəbul olunmadıqda, onların işlədikləri məktəbdə uzunmüddətli qalması qeyri-müəyyən olur. Müəllimlər daha çox saat yığmaq üçün məktəb dəyişməyə məcbur qalırlar. Bu isə məktəbdə müəllim heyətinin davamlılığını və kollektiv ruhunu zəiflədir. Əgər müəllimlər ştat əsasında işə qəbul edilsə, onlar uzun müddət eyni məktəbdə işləyər və məktəbin ümumi inkişafına daha çox töhfə verərlər.
Hazırkı sistem müəllimi yalnız dərs saatına görə dəyərləndirir, lakin onun sinifdənkənar fəaliyyətini, əlavə zəhmətini nəzərə almır. Müəllimlər əlavə dərs saatı götürmək üçün çalışırlar və bu, onların keyfiyyətli dərs keçməsinə mane ola bilər. Ştat əsasında işə qəbul edilən müəllim isə əlavə yüklənmədən azad olar və əsas diqqətini keyfiyyətli dərs keçməyə yönəldə bilər.
Əgər müəllim öz işindən razı deyilsə, onun işə yanaşması da mənfi təsirlənir. Nəticədə, şagirdlərin təhsili zəifləyir və cəmiyyət ümumilikdə təhsilin keyfiyyətindən narazı qalır. Müəllimlər ştata qəbul edildikdə, onlar daha sabit və rahat işləyəcək, bu da ümumi təhsilin keyfiyyətinə müsbət təsir göstərəcək."
Xalidə Gəray
Musavat.com
ƏLAQƏLİ XƏBƏRLƏR
XƏBƏR LENTİ
05 Aprel 2025
04 Aprel 2025
ŞƏRHLƏRŞƏRH YAZ