Onlayn ictimai-siyasi qəzet
Mobil telefonların batareya ömrünü 5 il azaldan səhv: İllərdir yanlış edirmişik
Gündəlik həyatımızın ayrılmaz hissəsinə çevrilən ağıllı telefonlar barədə çoxlarının illərdir etdiyi böyük bir səhv ortaya çıxıb.
Musavat.com xəbər verir ki, bu səhv telefonun batareya ömrünü azı 5 il qısaldır.
2025-ci ilə qədər ağıllı telefon istifadəçilərinin sayının daha da artacağı və istifadəçi yaşlarının azalacağı proqnozlaşdırılır. Artıq uşaqlardan böyüklərə qədər hər kəsin əlində bir telefon görmək mümkündür. Bu cihazlar getdikcə daha funksional və istifadəçi dostu hala gəlsə də, doğru şarj etmə vərdişlərinə hələ də lazımi diqqət yetirilmir.
Batareya ömrünü azaldan səhvlər
Müasir ağıllı telefonların əksəriyyəti litium-ion batareyalarla təchiz olunub. Bu batareyalar digər batareya texnologiyalarına nisbətən daha səmərəlidir, lakin ömürləri məhdud qalır. Zamanla içindəki kimyəvi reaksiyalar nəticəsində batareyanın tutumu azalır.
Mütəxəssislərin fikrincə, bu tip batareyalar təxminən 500 şarj dövründən sonra (təxminən 2-3 il ərzində) xeyli zəifləyir. Bu isə elektrokimyəvi aşınma və köhnəlmənin nəticəsidir.
Şarj etmə vərdişlərinizi yenidən nəzərdən keçirin!
Bir çox istifadəçi telefonlarını tam şarj etməyə həddindən artıq diqqət yetirir. Lakin bu vərdiş batareyanın uzunömürlü olmasına mənfi təsir göstərir.
Batareyanın %100-ə qədər doldurulması qısamüddətli rahatlıq yaratsa da, uzun müddətdə ciddi zərərlərə səbəb olur.
Batareya ömrünü uzatmağın əsas qaydaları
- Mütəxəssislər batareyanın şarj səviyyəsini 20%-dən 80%-ə qədər saxlamağın ən yaxşı seçim olduğunu bildirirlər.
- Bu üsul batareyanın daha az yüklənməsinə səbəb olur və onun ömrünü uzadır.
- Lionvolt Texnologiya Şefi Sandeep Unnikrishnan, telefonu gecə boyunca deyil, gün ərzində şarj etməyi tövsiyə edir.
- Telefonunuzu tam dolmadan şarjdan çıxarmaq batareyanın uzunömürlü olmasını təmin edə bilər.
Batareyanı tam doldurmaq niyə zərərlidir?
- Litium-ion batareyalar davamlı olaraq 100% dolu vəziyyətdə saxlanıldıqda stresə düşür.
- Uzun müddət tam şarjda qalması batareyanın ömrünü qısaldır və onun tutumunun azalmasına səbəb olur.
- Buna görə telefonunuzu həmişə 100% doldurmaq əvəzinə, 80%-ə qədər şarj etmək daha sağlam seçimdir.
Batareyanın ömrünü uzatmaq üçün ən vacib addım şarj etmə vərdişlərinizi dəyişdirməkdir. Telefonunuzu sürekli 100%-ə qədər doldurmamaq və onu lazımsız yerə enerji mənbəyinə bağlı saxlamaq, batareyanın ömrünü qorumağın ən təsirli yollarından biridir.
Unutmayın! Batareyanın nə çox dolu, nə də çox boş olması optimal nəticə verir.
Musavat.com
XƏBƏR LENTİ
22 Fevral 2025
21 Fevral 2025
ŞƏRHLƏRŞƏRH YAZ