Onlayn ictimai-siyasi qəzet
Məşhur aktyor pnevmoniyadan VƏFAT ETDİ - FOTO
"Batman Forever" və "The Doors" filmlərindəki rolları ilə tanınan amerikalı aktyor Val Kilmer 65 yaşında pnevmoniyadan vəfat edib.
Musavat.com xəbər verir ki, bu barədə "New York Times" qəzeti aktyorun qızı Mercedes Kilmerə istinadən məlumat yayıb.
Kilmer çərşənbə axşamı Los-Ancelesdə dünyasını dəyişib. Nəşr xatırladır ki, 2014-cü ildə ona qırtlaq xərçəngi diaqnozu qoyulsa da, o, xəstəlikdən qurtula bilib.
Aktyorun ölümünün digər detalları açıqlanmır.
Qeyd edək ki, Kilmer 1959-cu ildə Los-Ancelesdə anadan olub. O, karyerasına teatr aktyoru kimi başlayıb və kino dünyasında ilk böyük uğurunu 1984-cü ildə "Top Secret" adlı casus komediyası ilə qazanıb.
İki il sonra o, Tom Kruz ilə birlikdə "Top Gun" döyüş filmində rol alıb. 1990-cı illərdə isə o, Hollivudun ən yüksək qonorar alan aktyorlarından birinə çevrilib. Məhz həmin dövrdə Kilmer Oliver Stounun eyniadlı filmində "The Doors" qrupunun lideri Cim Morrisonu canlandırıb, 1993-cü ildə isə "Batman Forever" filmində baş rolu ifa edib.
Musavat.com
ƏLAQƏLİ XƏBƏRLƏR
XƏBƏR LENTİ
03 Aprel 2025
ŞƏRHLƏRŞƏRH YAZ