Onlayn ictimai-siyasi qəzet
Manatın devalvasiyası ilə bağlı VACİB XƏBƏR - Dəqiq vaxt bilindi
Manat üçün devalvasiya təhlükəsi yaradan əsas faktorlardan biri də neftin qiymətinin ucuzlaşması amilidir. Uzunmüddətli perspektivdə bu ehtimal ölkəmizə daxil olan dolların həcmini azalda və manatın məzənnəsinin dəyişməsinə səbəb ola bilər. Hazırda dünya bazarında neftin qiyməti indeksi dəyişkən tendensiyadadır. Bəs görəsən, bu ehtimal aktualdırmı?
Musavat.com xəbər verir ki, mövzu ilə bağlı Yenisabah.az-a danışan hüquqşünas və iqtisadçı-ekspert Əkrəm Həsənov bildirib ki, Azərbaycanın hazırki valyuta ehtiyatları qısa müddətli də olsa, manatın məzənnəsini saxlamağa yetərlidir:
"Azərbaycanın valyuta ehtiyatları təxminən 60 milyard dollardır. Buna görə də, bəli, dolların 1 barelinin qiyməti 45-50 dollara da düşsə, Mərkəzi Bank qısamüddətli də olsa, valyuta ehtiyatları hesabına manatın məzənnəsini saxlaya bilər. Yəni neftin qiymətinin aşağı düşməsi ölkəyə daxil olan valyuta ehtiyatının azalması deməkdir. Buna görə də, ölkənin digər sahələrdə olan xərclərini də nəzərə alaraq, artıq milli valyutanın məzənnəsini saxlamaq olmur".
Ekspertin fikrincə, neftin uzunmüddətli ucuzlaşması devalvasiya riskini olduqca artırır:
"Amma 60 milyardlıq valyuta ehtiyatları kifayət qədər böyük bir məbləğdir. Bu ehtiyatların hesabına, manatın məzənnəsi daha 1 il hazırki məzənnəsində qala bilər. Ancaq neftin qiyməti uzun müddət aşağı olarsa, Mərkəzi Bank artıq bu məzənnəni saxlaya bilməz. Bu səbəbdən, neftin qiymətinin uzunmüddətli ucuzlaşması ciddi problemdir. Bizim digər bir problemimiz isə, neft hasilatının ildən-ilə aşağı düşməsidir. Hətta neftin qiyməti düşməsə də, hasilatın azalması səbəbindən xaricdən valyuta gəlirləri azalır. Bu baxımdan maksimum 1 il sonra devalvasiya riski olduqca çoxdur".
XƏBƏR LENTİ
19 Sentyabr 2024
ŞƏRHLƏRŞƏRH YAZ