Onlayn ictimai-siyasi qəzet
London məhkəməsindən Trampa zərbə: keçmiş Mİ6 agentinə 822 min dollar ödəyəcək
London məhkəməsi ABŞ prezidenti Donald Trampın 626 min funt sterlinq (822 min dollar) ödəməsinə dair qərar qəbul edib.
Musavat.com Reuters-ə istinadən xəbər verir ki, məbləğ Trampın Böyük Britaniya xarici kəşfiyyat xidməti olan Mİ6-nın keçmiş agenti Kristofer Stilə qarşı qaldırdığı iddianın rədd olunduğu prosesə Stilin çəkdiyi xərcləri ehtiva edir.
Stil doqquz il əvvəl Tramp haqqında dosye tərtib etdiyi üçün şöhrət qazanmışdı. Dosyedə qeyd olunurdu ki, Rusiya kəşfiyyat xidmətləri Trampı gözdən sala biləcək şəxsi və maliyyə məlumatlarına malikdir. Tramp dəfələrlə bu dosyenin saxta olduğunu və “ümumi siyasi cadugər ovu”nun nümunəsi olduğunu vurğulayıb. Daha sonra o, Stilin yaratdığı Orbis Business Intelligence hüquq firmasını məlumatların qorunması qanunlarını pozduğuna görə İngiltərədə məhkəməyə verdi.
Keçmiş Mİ6 agentinin nümayəndələri iddiaçıların "uğur əldə etmək üçün real şanslarının olmadığını" bildirirdilər, çünki dosyedən çıxarışlar firmanın özü tərəfindən dərc olunmayıb, firmanın iradəsindən kənar formada BuzzFeed xəbər saytına sızdırılıb.
Qeyd edilib ki, Orbis Business Intelligence heç vaxt dosyenin məzmununu ictimailəşdirməyə çalışmayıb və sənədlərin bütün nüsxələri 2017-ci ildə məhv edilib. 2024-cü ilin fevralında İngiltərə və Uels Ali Məhkəməsi Trampın iddiasını rədd edib.
2024-cü ilin martında London məhkəməsi Trampın məhkəmə xərcləri üçün 300.000 funt sterlinq ödəməsinə dair qərar qəbul edib. Orbis Business Intelligence hüquqi xərclərin daha dəqiq qiymətləndirilməsindən sonra hakim Ceyson Rouli yekun məbləği 2 dəfədən çox artırıb.
Musavat.com
XƏBƏR LENTİ
05 Aprel 2025
04 Aprel 2025
ŞƏRHLƏRŞƏRH YAZ