Onlayn ictimai-siyasi qəzet
“Kiyev məğlub olarsa, ABŞ Ukraynaya qoşun yeridə bilər” - Konqresmen
ABŞ Konqresinin Nümayəndələr Palatasındakı demokratların lideri Hakim Cefris Kiyevin məğlub olacağı təqdirdə ABŞ-ın Ukrayna münaqişəsi zonasına qoşun yeritməli olacağını istisna etməyib.
Musavat.com xəbər verir ki, o, CBS telekanalına müsahibəsində deyib: “Biz Ukraynanın yıxılmasına imkan verə bilmərik, çünki bu, baş verərsə, Amerikanın münaqişəyə təkcə pulumuzla deyil, həm də qoşunlarımızla qatılmaq şansı var”.
Cefris, eyni zamanda, Kiyevin hərbi ehtiyacları üçün əlavə maliyyənin razılaşdırılmasında gecikmədə günahlandırdığı Respublikaçılar Partiyasında Rusiyayönlü fraksiyanın gücləndiyini iddia edib. Onun fikrincə, bu fraksiya “Ukraynanı dəstəkləmək istəmir və Rusiyanın ABŞ-nin düşməni olmadığına inanır”. O, hesab edir ki, bu fraksiyanın lideri nümayəndə Markori Teylor-Qrindir.
Amerika administrasiyası dəfələrlə bildirib ki, ABŞ Ukraynada qoşun yerləşdirmək niyyətində deyil.
Musavat.com
XƏBƏR LENTİ
25 Dekabr 2024
ŞƏRHLƏRŞƏRH YAZ