Onlayn ictimai-siyasi qəzet
Keçmiş hərbi müxbir, iş adamı - ABŞ-nin yeni vitse-prezidenti kimdir?
Vaşinqtonda ABŞ-nin yeni prezidenti Donald Trampla eyni vaxtda and içib vəzifəsinin icrasına başlayan yeni vitse-prezident Ceyms Devid Vensin şəxsi həyatı ilə bağlı bir sıra məlumatlar məlum olub.
Bu barədə “Report” yerli mətbuata istinadən xəbər verir.
Qeyd edilir ki, Vensin 40 yaşı var. O, Ohayo ştatında anadan olub. Ceyms nənəsinin himayəsində böyüyüb.
Orta məktəbi bitirdikdən sonra Vens ABŞ-nin Dəniz Piyadaları Korpusunda xidmətə başlayıb və İraq müharibəsi zamanı burada hərbi müxbir kimi çalışıb. O, 6 ay İraqda qalsa da hərbi əməliyyatlarda iştirak etməyib.
Dəniz Piyadaları Korpusunda xidmətdən sonra Ohayo Dövlət Universitetində təhsil alıb, burada siyasi elmlər və fəlsəfə üzrə təhsil alıb və nüfuzlu Yelsk Universitetinin hüquq fakültəsinə daxil olub. Sonra iş adamı Peter Tillə şərikli işləməyə başlayıb, 2017-ci ildə öz firmasını yaradıb.
Ceyms bu illər ərzində Trampı tənqid edərək, onun siyasətinə “dözmədiyi”ni bildirib. Lakin sonradan siyasətçi haqqında fikirlərini dəyişərək, onun haqqında yanıldığına diqqət çəkib. Ceyms 2022-ci ildə Ohayonun senatoru olub.
Onun 3 övladı var. Ceyms xanımı Uşi və övladlarının müşayiəti ilə nənəsindən qalan İncillə and içib.
XƏBƏR LENTİ
21 Yanvar 2025
ŞƏRHLƏRŞƏRH YAZ