Onlayn ictimai-siyasi qəzet
Kadırov Ukraynadakı çeçen döyüşçülərin sayını açıqladı
Çeçenistandan olan 7000-dən çox döyüşçü hazırda Ukraynadakı savaşda ön cəbhədə ruslarla birgə döyüşür.
“Ölkə.Az” xəbər verir ki, bu barədə Çeçenistan rəhbəri Ramzan Kadırov öz teleqram kanalında məlumat verib.
“Çeçen döyüşçülərin hərbi əməliyyatlara aparılması üzrə regional qərargahın rəhbəri Maqommed Davudov məlumat verdi ki, Ukraynadakı savaşın bütün dövrü ərzində Çeçenistan Respublikasından döyüş bölgəsinə 29 mindən çox döyüşçü göndərilib, onlardan 13 mini könüllüdür. Hazırda cəbhə xəttində 7 mindən çox döyüşçü var”, - Kadırov bildirib.
O qeyd edib ki, Respublikada Müdafiə Nazirliyinin nəzdində üç batalyon və üç alay da yaradılıb. Onun sözlərinə görə, döyüşçülər daimi dislokasiya nöqtəsində lazım olan hər şeylə təmin edilib.
XƏBƏR LENTİ
05 Oktyabr 2024
04 Oktyabr 2024
ŞƏRHLƏRŞƏRH YAZ