Onlayn ictimai-siyasi qəzet
İsveçdəki erməni diasporundan Paşinyana ultimatum
Ermənistan Respublikasının Tavuş vilayətində baş verən qondarma “delimitasiya” prosesi indiki faktiki hakimiyyət orqanları tərəfindən qəbuledilməz və erməni xalqı üçün qəbuledilməz qərarlar əsasında təşkil olunub.
Musavat.com erməni mediasına istinadən bildirir ki, bu barədə İsveçdəki Erməni Birliklərinin Koordinasiya Mərkəzi məlumat yayıb.
Bəyanatda daha sonra deyilir: “Onun heç bir hüquqi əsası yoxdur və demarkasiyanın beynəlxalq prinsiplərinə ziddir. Dövlətin təhlükəsizliyinin əsasları məhv edilərsə və xalqın hüquqları, habelə Ermənistan Respublikasının Konstitusiyası pozularsa, belə bir proses baş verə bilməz. Ermənistanın faktiki baş naziri Nikol Paşinyanın birtərəfli qərarları Ermənistan Respublikasının və erməni xalqının maraqlarına ziddir. Onu da qeyd etmək lazımdır ki, Ermənistan Respublikasının bütün hüquq sistemi hakimiyyətin əlaltısına və cəza alətinə çevrilib. Əsassız təqiblər, həbslər və kobud güc tətbiqi indiki “demokratik” hakimiyyətin həyat tərzinə çevrilib. Dörd Tavuş kəndinin (?!-M.) ərazilərinin verilməsi və təhlükəsizlik zonalarının dağıdılması bu kəndlərin əhalisinin azalmasına gətirib çıxaracaq. Təkcə ona bitişik kəndlər deyil, həm də strateji əhəmiyyətli İran-Ermənistan-Gürcüstan dövlətlərarası yolu birbaşa düşmən atəşi altında olacaq. Tavuşun müdafiə xətti tamamilə dağılacaq”, bəyanatda daha sonra iddia olunur.
Bildirilir ki, “N.Paşinyan yuxarıda qeyd etdiyimiz anti-dövlət və anti-konstitusiya qərarlarından əlavə, erməni soyqırımını və 1,5 milyon günahsız qurbanın xatirəsini də şübhə altına alır.
O, həmçinin Ermənistanın müstəqil dövlət kimi mövcudluğunu şübhə altına alır, eyni zamanda Ermənistanın süqutuna aparan reallıqları hər cür sürətləndirir. N.Paşinyan “Tarixi Vətən”imizin əsassız yaddaş olması, Vətənimizin indiki dövlətin sərhədləri olması illüziyası yaradır ki, onu da tarixə çevirib, parçalayıb düşmənə verir”.
Revanşistlər daha sonra bəyan edib: “Biz, İsveç Erməni Birliklərinin Koordinasiya Mərkəzi, eləcə də Ermənistan Respublikasının tələbkar vətəndaşları və İsveçdə yaşayan diaspora erməniləri Nikola Paşinay tərəfindən təmsil olunan Ermənistan Respublikası hökumətinə ən böyük etimadsızlığımızı bildirir və Ermənistan Respublikasının təhlükəsizliyini və mövcudluğunu təhdid edən birtərəfli güzəştlərin və bütün proseslərin dərhal dayandırılmasını tələb edirik! “Biz N.Paşinyan və hökumətin istefasını tələb edirik”, - bəyanatda deyilir.
Musavat.com
XƏBƏR LENTİ
26 Noyabr 2024
ŞƏRHLƏRŞƏRH YAZ