Onlayn ictimai-siyasi qəzet
İsrailin baş naziri Yair Lapid bazar günü bildirib ki, onun rəhbərlik etdiyi Yeş Atid partiyası növbədənkənar parlament seçkilərində uduzduqdan sonra “heç bir halda” yeni hökumətə qoşulmayacaq, müxalifətə keçəcək və orada hakimiyyət uğrunda mübarizəni davam etdirəcək.
Musavat.com-un Oxu.az-a istinadən xəbərinə görə, “Yeni hökumətə daxil ola biləcəyimiz heç bir ssenari yoxdur. Biz dünyaya baxışımız və bizə səs verən insanların dəyərləri üçün müxalifət olaraq mübarizə aparacağıq. Bizə səs verənə qədər mübarizə aparacağıq”, - deyə o, 1995-ci ildə İsrailin baş naziri olmuş İshaq Rabinin öldürülməsinin ildönümünə həsr olunmuş anım mərasimində çıxış edərkən deyib.
Hazırkı hökumət başçısı bəyan edib ki, seçkilərdən sonra İsrail cəmiyyəti “yenidən bölünüb, yenidən qəzəblənib və yenidən parçalanma təhlükəsi var”.
C.Lapidin sözlərinə görə, radikal qüvvələrin getdikcə daha çox səs topladığı son seçki tendensiyalarını nəzərə alsaq, İsrail öz tarixinin kritik nöqtəsinə yaxınlaşır:
“Biz indiki məqamda ölkənin hara getdiyinə qərar verməliyik. Geri dönüş nöqtəsinə yaxınıq. Amma yenə də hər şey öz əlimizdədir, biz hələ də hər şeyi dəyişə bilərik. Reallıq demoqrafik və ya coğrafiyanın qaçılmaz nəticəsi deyil, etdiyimiz seçimlərin nəticəsidir”.
14 Oktyabr 2024
01:40 Bakıdan qovulan İran mollası Cəmkəranda ortaya çıxdı və Livana yavan çörək təklif etdi - VİDEO
13 Oktyabr 2024
ŞƏRHLƏRŞƏRH YAZ