Onlayn ictimai-siyasi qəzet
İsrail və HƏMAS arasında atəşkəs razılaşması Tel-Əvivdə belə qarşılandı - VİDEO
İsrail və HƏMAS arasında atəşkəs haqqında əldə olunan saziş Təl-Əvivdə də ümid və sevinc hissi ilə qarşılanıb.
Musavat.com xəbər verir ki, şəhər sakinləri bu qərarın münaqişənin gərginliyini azaltmaq və dinc həll yollarına aparmaq üçün vacib addım olduğunu bildirirlər.
Təl-Əvivin mərkəzi meydanlarında bir araya gələn insanlar sazişi dəstəklədiklərini nümayiş etdiriblər. Onlar bu atəşkəsin girovların azad edilməsi və humanitar vəziyyətin yaxşılaşması ilə nəticələnəcəyinə ümid etdiklərini bildiriblər.
“Bu, bizim üçün çox mühüm bir məqamdır. Artıq gərginlikdən, ölümlərdən və qorxudan yorulmuşuq. İndi hər iki tərəf üçün dialoq vaxtıdır,” – deyə Təl-Əviv sakinlərindən biri bildirib.
Başqa bir şəhər sakini isə atəşkəsin gələcək nəsillər üçün daha təhlükəsiz bir mühit yaradacağına inandığını vurğulayıb: “Biz sülh istəyirik. Bu saziş, bəlkə də, başlanğıcdır. Hər şey qarşılıqlı anlayışdan asılıdır.”
Qeyd edək ki, İsrail və HƏMAS arasında əldə olunan saziş bölgədə çoxdan gözlənilən humanitar addımları əhatə edir. Bu saziş təkcə tərəflər arasında deyil, həm də bölgə əhalisi arasında da ümidləri artırıb. Təl-Əvivdəki bayram əhval-ruhiyyəsi isə bu ümidin bir əksidir.
Musavat.com
XƏBƏR LENTİ
16 Yanvar 2025
15 Yanvar 2025
ŞƏRHLƏRŞƏRH YAZ