Onlayn ictimai-siyasi qəzet
İrəvandan salam göndərən məşhur gənc TV Musavatda: Özdemir Ermənistanda nələr yaşayıb? CANLI
Sosial şəbəkələrdə yayılan və böyük marağa səbəb olan görüntülərdə İrəvanın baş meydanından Türk dünyasına bayram salamı göndərən gənc Ögün Özdemirdir.
O, bir neçə aydır ki, Azərbaycandadır, lakin iş və oturum icazəsi ala bilmir. Məsələ ondadır ki, Təhsil Nazirliyi ilə Dövlət Miqrasiya Xidməti arasında koordinasiya problemi yaranıb və Ogün bu iki qurum arasında sıxışıb qalıb. Bu səbəbdən deport edilməmək üçün hər üç aydan bir ölkəyə giriş-çıxış etməyə məcbur qalır. Lakin bütün bu təəssübkeşliyə baxmayaraq, aidiyyəti qurumların gecikən və əlaqəsiz reaksiyası səbəbilə, Ogün Özdemir hələ də Azərbaycanda rəsmi olaraq çalışa bilmir.
Sonuncu dəfə ölkədən çıxış edərkən, fərqli və cəsarətli bir addım ataraq Ermənistana – İrəvana səfər edib. O, erməni viza sistemi vasitəsilə İrəvana daxil olmağa nail olub və orada çəkdiyi görüntülərlə İrəvanın baş meydanında Türk dünyasına, Azərbaycan adına salam göndərib. Bu video parçaları sosial şəbəkələrdə böyük səs-küyə səbəb olub, ictimaiyyət tərəfindən alqışla qarşılanıb.
TVMusavat-ın canlı yayımlanan “Həftə içi” verilişində aparıcı Emil Salamoğlu Bakıdakı Türkiyə məktəblərindən birində riyaziyyat müəllimi kimi fəaliyyət göstərmək məqsədilə Azərbaycana gələn Ögün Özdemirlə İrəvan səfərini və digər məsələləri müzakirə edir.
https://www.facebook.com/tvmusavat
https://www.youtube.com/@musavattv
XƏBƏR LENTİ
04 Aprel 2025
ŞƏRHLƏRŞƏRH YAZ