Onlayn ictimai-siyasi qəzet
İran səfiri Tehranın Ermənistan və Azərbaycana qarşı mövqeyini BELƏ İFADƏ ETDİ
İranın Azərbaycandakı səfiri Seyid Abbas Musəvi bir sıra tvitlərində ölkəsinin iki şimal qonşusu - Ermənistan və Azərbaycana qarşı mövqeyindən danışıb.
Bu barədə “Mehr” agentliyinin məlumatında bildirilib.
Seyid Abbas Musəvi tvitter-dəki ilk paylaşımında deyib
"Regional və beynəlxalq münaqişələrdə İran İslam Respublikasının prinsipial mövqeləri həmişə şərəf, hikmət, məqsədəuyğunluq, haqq, ədalət, ədalət və beynəlxalq hüquqa əsaslanır".
Daha sonra o əlavə edib ki, İran dövlətinin səlahiyyətliləri ən yaxşı zamanda ən doğru qərarı verir və həmişə özünün və regionun milli maraqlarını və təhlükəsizliyini qoruyur.
Diplomat üçüncü tvitində qeyd edib:
“Xarici və müdafiə siyasətini həyata keçirən qərar qəbul edənlərə, siyasətçilərə və məmurlara təsir əgər yuxarıda göstərilən komponentlərdən, rasionallıq və uzaqgörənlikdən məhrumdursa, bu, şübhəli və zərərlidir, daha çox İranın düşmənlərinin tapmacasını tamamlayır və hökumətin qonşuluq siyasəti məhv edir”.
Səfir sonrakı tvitində bildirib:
“Şimal qonşularına gəlincə, İranın mövqeləri 30 ildir ki, məlumdur. Bu mövqe inqilab rəhbəri, prezident, xarici işlər naziri və Xarici İşlər Nazirliyinin mətbuat katibi tərəfindən dəfələrlə səsləndirilib. Yəni, beynəlxalq sərhədlərin dəyişməzliyi. İran geosiyasi dəyişikliklərə qarşıdır”.
Sonda diplomat vurğulayıb ki, “hər hansı niyyətlə əlavə və paralel mövqe bəyan etmək tələbi qeyri-peşəkar və zərərlidir”./Modern.az
XƏBƏR LENTİ
01 Oktyabr 2024
ŞƏRHLƏRŞƏRH YAZ