Onlayn ictimai-siyasi qəzet
Hindistan Pakistan raket zərbələri endirir: İtkilər açıqlandı
Musavat.com xəbər verir ki, Hindistan və Pakistan arasında gərginlik yenidən alovlanıb.
Hindistan Müdafiə Nazirliyinin məlumatına görə, ordu "Pakistan və onun tərəfindən işğal olunmuş Cammu və Kəşmirdə" yerləşən terrorçu infrastrukturuna qarşı genişmiqyaslı "Sındur" adlı əməliyyata start verib.
Əsas məqamlar:
▪️ Zərbələr: Hindistan artıq Kotli, Bahavalpur və Muzəffərabad şəhərlərinə raket zərbələri endirib. Ümumilikdə, 9 obyekt vurulub.
▪️ Təxmini itkilər: Reuters məlumat verir ki, Bahavalpur yaxınlığında bir uşaq həlak olub, daha ikisi yaralanıb.
▪️ Enerji böhranı: Kəşmir bölgəsində genişmiqyaslı elektrik kəsintiləri baş verib.
▪️ Rəsmi reaksiya: Pakistan Hindistanın bu addımını "təhrik olunmamış təcavüz" adlandırıb və "cavab veriləcəyini" bəyan edib.
▪️ Nüvə ritorikası: Pakistanın müdafiə naziri daha əvvəl Hindistanın qalib gələcəyi bir müharibənin "Yer üzündə sağ qalan qoymayacağını" demişdi — bu, hər iki ölkənin nüvə arsenalına sahib olmasına işarədir.
▪️ Aviasiya qadağası: Pakistan hava məkanını 48 saat müddətinə bütün uçuşlar üçün bağlayıb.
Hazırkı vəziyyət ciddi eskalasiya təhlükəsi yaradır və beynəlxalq ictimaiyyətin diqqəti Cənubi Asiyaya yönəlib.
Musavat.com
XƏBƏR LENTİ
07 May 2025
ŞƏRHLƏRŞƏRH YAZ