Onlayn ictimai-siyasi qəzet
Hakan Fidan: Ukraynanın NATO-ya üzvlüyü məsələsində realist olmalıyıq
Ukraynanın NATO-ya üzv olmaq istəməsinə bir söz deyə bilmərik, ancaq çox realist olmalıyıq.
Bunu Türkiyənin xarici işlər naziri Hakan Fidan “Bloomberg”ə müsahibəsində bildirib.
Ukraynanın NATO-ya daxil olması ilə bağlı ABŞ Prezidenti Donald Trampın yanaşmasını dəyişib-dəyişdirməyəcəyi ilə bağlı suala Hakan Fidan belə cavab verib: "Əvvəlki administrasiyanın da Ukraynanın NATO-ya üzv olmasının tərəfdarı olub-olmamasından əmin deyiləm. Ona görə də bu məsələdə yeni siyasətin olduğunu düşünmürəm”.
Onun sözlərinə görə, Ukraynanın NATO-ya mümkün üzvlüklə bağlı avropalı tərəfdaşları və ukraynalı dostları ilə müzakirələrini də başa düşmək lazımdır: “Ukrayna bunu təkcə NATO-ya üzv olmaq üçün deyil, həm də öz ölkəsinin təhlükəsizliyini təmin etmək üçün tələb edir”.
Nazir bildirib ki, ölkəsinin bu məsələ ilə bağlı rəsmi mövqeyi belədir: “Prezidentimiz Rəcəb Tayyib Ərdoğanın açıqladığı kimi, Ukraynanın NATO-ya üzv olmaq istəməsinə bir söz deyə bilmərik, ancaq çox realist olmağa məcburuq”.\\ "Haber Global"
XƏBƏR LENTİ
24 Fevral 2025
ŞƏRHLƏRŞƏRH YAZ