Onlayn ictimai-siyasi qəzet
Gürcüstan Rusiyadan diri mal-qara idxalını kəskin artırıb
2024-cü ildə Gürcüstan Rusiyadan diri qoyun almayıb, mal-qara və donuz alışını xeyli artırıb.
Musavat.com xəbər verir ki, məlumat Gürcüstan Statistika Xidmətinin hesabatında əksini tapıb.
Hesabatdan aydın olur ki, Gürcüstan keçən il Rusiyadan diri qoyun almayıb. Halbuki 2023-cü ildə 1,3 milyon dollarlıq heyvan almışdı. Lakin ötən il Rusiyadan Gürcüstana diri mal-qara ixracı 2 milyon dollar və ya 20 faiz artaraq 12,8 milyon dollar təşkil edib. Bu, 2014-cü ildən bəri ən yüksək göstəricidir.
Gürcülərin Rusiyadan donuz alışı 20 faiz və ya 5 milyon dollar artıb. Tədarüklərin ümumi həcmi 32,9 milyon dollar təşkil edib. Və bu, 2001-ci ildən bəri maksimumdur.
Qeyd edək ki, Rusiya və Gürcüstan Azərbaycanın diri ətlik mal-qara və qoyun idxalında ən böyük paya malik ölkələrdir. 2024-cü ilin yanvar-noyabrında Azərbaycan Rusiyadan 25,1 milyon dollarlıq, Gürcüstandan isə 10 milyon dollarlıq diri mal-qara idxal edib. Diri qoyun idxalı Rusiyadan 1,5 milyon dollar, Gürcüstandan isı 15 milyon dollara bərabər olub.
Musavat.com
XƏBƏR LENTİ
03 May 2025
02 May 2025
ŞƏRHLƏRŞƏRH YAZ