Onlayn ictimai-siyasi qəzet
FİFA ilin oyunçusu mükafatına namizədləri açıqlayıb
"İnter Mayami"nin və Argentina millisinin hücumçusu Lionel Messi Beynəlxalq Futbol Federasiyasının (FIFA) versiyası üzrə ilin futbolçusu mükafatına iddialılar siyahısına daxil edilib.
Musavat.com xarici mediaya istinadla xəbər verir ki, bu barədə təşkilatın saytında məlumat verilir.
Siyahıda Messidən başqa daha 10 futbolçu var. Onların arasında “Real Madrid”in fransalı hücumçusu Kilian Mbappe, “Mançester Siti”nin norveçli hücumçusu Erlinq Holland, eləcə də İspaniya millisinin yarımmüdafiəçisi Rodri var. Xatırladaq ki, Rodri daha əvvəl “Qızıl top”a layiq görülüb.
“İlin ən yaxşı məşqçisi” adına namizədlər də bəlli olub. Siyahıda beş mütəxəssis yer alıb: Karlo Ançelotti (“Real Madrid”), Pep Qvardiola (“Mançester Siti”), Xabi Alonso (“Bayer-Leverkuzen”), Lionel Skaloni (Argentina millisi) və Luis de la Fuente (İspaniya millisi). Qaliblər azarkeşlər, eləcə də bütün milli komandaların kapitanları və məşqçiləri, eləcə də media nümayəndələrinin səsverməsi ilə seçiləcək.
FİFA tərəfindən ötən ilin ən yaxşı oyunçusu mükafatının qalibi Messi olub. Qvardiola da 2023-cü ilin ən yaxşı məşqçisi seçilib.
Musavat.com
XƏBƏR LENTİ
29 Noyabr 2024
ŞƏRHLƏRŞƏRH YAZ