Onlayn ictimai-siyasi qəzet
Əbülfəz Elçibəyin Rəsulzadə qəsəbəsindəki evi qarət olunub - FOTO
Sabiq prezident Əbülfəz Elçibəyin Rəsulzadə qəsəbəsi, Əlixanov küçəsi, 38 ünvanında yerləşən evi qarət olunub.
Bu barədə Bakupost.az-a mərhum prezidentin yaxınları məlumat veriblər. Onların bildirdiyinə görə, evdən kombi və bir sıra digər əşyalar oğurlanıb.
Hadisə ilə əlaqədar Binəqədi Rayon Polis İdarəsinin əməkdaşları dərhal əməliyyat keçiriblər. Əməliyyat nəticəsində oğurluq edən şəxs saxlanılıb. Məlum olub ki, həmin şəxs Saatlı rayon sakinidir.
Musavat.com xatırladır ki, Əbülfəz Elçibəyin həyat yoldaşı Həlimə Əliyeva vəfatından bir qədər əvvəl Birinci vitse-prezident Mehriban Əliyevaya Rəsulzadə qəsəbəsində yerləşən evlərinin təmiri ilə bağlı müraciət ünvanlamışdı. Bu müraciətdən sonra Heydər Əliyev Fondu tərəfindən ev təmir olunmuşdu.
Əbülfəz Elçibəy Azərbaycanın ikinci prezidenti olub və 1992-1993-cü illərdə ölkəyə rəhbərlik edib. O, Azərbaycanın müstəqillik mübarizəsində mühüm rol oynayan siyasi xadimlərdən biridir.
Hazırda hadisə ilə bağlı araşdırmalar davam edir.
Musavat.com
XƏBƏR LENTİ
05 Fevral 2025
ŞƏRHLƏRŞƏRH YAZ