Onlayn ictimai-siyasi qəzet
Dünyanın ən yaşlı insanı müəyyən edildi
Braziliyalı Joau Marinyu Netu dünyanın ən yaşlı kişisi kimi tanınıb.
Oxu.Az xəbər verir ki, bu barədə Ginnesin Rekordlar Kitabının rəsmi saytı məlumat yayıb.
Netu bu statusu noyabrın 26-da britaniyalı Con Tinnisvudun ölümündən sonra alıb. Tinnisvud 112 yaşında idi, Netunun isə yaşı 112 yaş 52 gündür. O, 1912-ci ildə doğulan sonuncu insandır. Netu uzun illərdir sahilyanı Seara əyalətində, Apuyare bələdiyyəsində yaşayır. Kişi, demək olar ki, bütün həyatı boyu əkinçiliklə məşğul olub. Netu 1994-cü ildə dul qalıb, lakin onun hələ də böyük ailəsi var: altı övladı, 22 nəvəsi, 15 nəticəsi və üç kötücəsi. Netu uzunömürlülüyünün sirrinin onu əhatə edən yaxşı insanlar və həmişə ailə və dostlar dairəsində qalmaq istəyi olduğunu bildirib.
"LongeviQuest" təşkilatının məlumatına görə, indi planetin ən yaşlı beş kişisi arasında üç braziliyalı var. Netudan sonra ikinci ən yaşlı kişi 111 yaşlı Jozinu Levinu Ferreyra, 110 yaşlı Primu Olivyeri isə ilk beşliyi tamamlayıb. Avstraliyalı 111 yaşlı Ken Uiks və meksikalı İlario Orosko Lemus üçüncü və dördüncü yerdədirlər.
XƏBƏR LENTİ
30 Noyabr 2024
ŞƏRHLƏRŞƏRH YAZ