Onlayn ictimai-siyasi qəzet
Dünyanın ən böyük elektrik stansiyalarından biri yanır
Kaliforniyanın Moss Landinq şəhərində yerləşən və dünyanın ən böyük elektrik stansiylarından biri olan stansiyada yanğın başlayıb.
Musavat.com xəbər verir ki, məlumatı "Los Angeles Times" qəzeti Monterey qraflığının fövqəladə hallar departamentinə istinadən yayıb.
Bildirilir ki, bir sıra ərazilərdə evakuasiya elan edilib. Yanğın on minlərlə litium batareyası olan akkumulyator elektrik stansiyasında baş verib.
Xatırladaq ki, yanvarın 7-dən Los-Ancelesdə güclü meşə yanğınları qeydə alınıb. Pacific Palisades sahil bölgəsindən başlayan yanğın sürətlə genişlənərək Los-Anceles şəhərinə keçib, böyük tələfat və zərərə səbəb olubş Vəziyyəti qasırğalı küləklər daha da ağırlaşdırıb və bu, yanğının genişlənməsinə səbəb olub. Bundan əlavə, yanğın hidrantlarında su çatışmazlığı yaranıb və bu da yanğının söndürülməsini çətinləşdirib.
180 minə yaxın insan evlərini tərk edib, minlərlə bina yanıb. Bir çox Hollivud məşhurları evlərini itirib. AccuWeather hava monitorinq xidmətinin məlumatına görə, ABŞ-ın Kaliforniya ştatında yanğınlar nəticəsində dəyən ziyan ilkin olaraq 250-275 milyard dollara yüksəlib.
Musavat.com
XƏBƏR LENTİ
17 Yanvar 2025
ŞƏRHLƏRŞƏRH YAZ