Onlayn ictimai-siyasi qəzet
Deputatın köməkçisini güllələyən şəxs tutulub
Rusiya Federasiyası Dövlət Dumasının deputatı Vladimir Şamanovun köməkçisi Şerip Əlihacıyevin həyatına sui-qəsdin mümkün sifarişçisi ilə bağlı təfərrüatlar məlum olub.
Musavat.com Rusiya mediasına istinadla xəbər verir ki, Əlihacıyevə atəş açan şəxsin 50 yaşlı Vasili K. Olduğu bildirilir. .
Məlumata görə, həmin şəxs əvvəllər məhkum olunub. Onunla bağlı digər təfərrüatlar hələlik açıqlanmayıb.
Daha əvvəl sui-qəsdin mümkün təşkilatçısının və sifarişçisinin saxlanıldığı, onların dindirilmək üçün istintaq orqanlarına aparıldığı barədə məlumat verilib.
Xatırladaq ki, oktyabrın 10-da naməlum şəxs Əlihacıyevin Lapino kəndindəki evinin ərazisinə girərək onu pəncərədən güllələyib. Güllələrdən biri deputatın çənəsinə, digəri kürəyinə dəyib, lakin o, sağ qalıb. Təhlükəsizlik rəsmilərinin sözlərinə görə, sui-qəsd əvvəlcədən planlaşdırılıb və hazırlanıb.
Bu, Əlihacıyevin həyatına ilk sui-qəsd cəhdi deyil. 2002-ci ildə hüquq-mühafizə orqanlarının əməkdaşları onun Çeçenistandakı ofisində partlayıcı qurğu aşkar ediblər.
Çeçenistanın rəhbəri Ramzan Kadırovun bir zamanlar atasının silahdaşı olan Ş.Əlihacıyevi cinayətkar və xain adlandırdığı məlumdur.
Musavat.com
XƏBƏR LENTİ
24 Noyabr 2024
23 Noyabr 2024
ŞƏRHLƏRŞƏRH YAZ