Onlayn ictimai-siyasi qəzet
DeepSeek məxfi məlumatlarında sızma aşkarlandı
Nyu-Yorkda yerləşən Wiz Research kibertəhlükəsizlik firması yanvarın 29-da Çinin süni intellekt (AI) startapı DeepSeek-dən məxfi məlumatların sızmasını aşkarlayıb.
Musavat.com Reuters-ə istinadən xəbər verir ki, məlumatı Wiz açıqlayıb.
Bildirilir ki, Wiz məlumat əməliyyatlarına tam nəzarət etməyə imkan verən DeepSeek-ə məxsus ClickHouse verilənlər bazasının məlumatlarını açıq mənbələrdə aşkarlayıb. Şirkət qeyd edir ki, sızma bir milyondan çox məlumat xəttinə, o cümlədən rəqəmsal proqram açarları və şirkətin süni intellekt söhbətlərində istifadəçi axtarış tarixçələrinə təsir edib.
Reuters-in məlumatına görə, Wiz-in baş texnologiya direktoru bildirib ki, DeepSeek Wiz tərəfindən xəbərdar edildikdən sonra məlumat bazasını tez bir zamanda açıq mənbələrdən silib: "Onlar ictimaiyyətə açıqlanan məlumatları bir saatdan az müddətdə sildilər. Lakin bunu tapmaq o qədər asan oldu ki, biz əminik ki, onu tapan tək biz deyilik".
DeepSeek Reuters-ə məlumatla bağlı şərh verməyib.
Musavat.com
XƏBƏR LENTİ
30 Yanvar 2025
ŞƏRHLƏRŞƏRH YAZ