Onlayn ictimai-siyasi qəzet
Dağıstan müftisi: “Kadırovla Kərimov arasında münaqişəyə…”
“İctimaiyyəti Çeçenistan rəhbəri Ramzan Kadırovla senator Süleyman Kərimovun arasındakı münaqişəyə cəlb etmək olmaz”.
Musavat.com Rusiya mediasına istinadla xəbər verir ki, bu fikri Dağıstan Müftiliyinin sədri Abdulla Səlimov özünün Telegram-kanalında bildirib.
“Bu məsələdə həm mənəvi prinsiplərə, həm də hüquq normalarına riayət etməklə müdriklik göstərmək vacibdir. Bütün münaqişələr səlahiyyətli strukturlar tərəfindən həll edilməli, cəmiyyətdə nifaq salmamalıdır”, - deyə o yazıb.
Bundan başqa, Səlimov tərəflərin münaqişəni həll edəcəklərinə və barışığa gələcəyinə ümid etdiyini bildirib.
Oktyabrın 10-da Çeçenistan rəhbəri Ramzan Kadırov Dağıstandan olan senator, milyarder Süleyman Kərimova, habelə Dövlət Dumasının deputatları Bexan Baraxoyev və Rizvan Kurbanova qarşı onun həyatına sui-qəsd planlaşdırmadıqlarını sübut etmədikcə, qan davası elan edib.
Bildirilir ki, bütün bunlar “Wildberries” ticarət mərkəzini ələ keçirmək uğurunda başladılmış münaqişə fonunda baş verir.
Musavat.com
XƏBƏR LENTİ
24 Noyabr 2024
ŞƏRHLƏRŞƏRH YAZ