Onlayn ictimai-siyasi qəzet
Culfada piyadanın ölümünə səbəb olan şəxs sürücülük vəsiqəsi almağa gedirmiş
Culfada piyadanın ölümünə səbəb olan sürücü hakim qarşısına çıxarılıb. Qəzanı törədən şəxs sürücülük vəsiqəsi almağa gedirmiş.
Musavat.com xəbər verir ki, Ordubad rayon sakini, 1993-cü il təvəllüdlü Tərxan Rzayev idarə etdiyi "Niva" markalı avtomobillə Culfa rayon sakini, 1963-cü il təvəllüdlü Malik Əliyevi vurub.
Piyada aldığı xəsarətlərdən dünyasını dəyişib.
M.Əliyev Naxçıvan Yol Təmir Tikinti MMC-nin Culfa sahəsinin əməkdaşı olub.
Qəzanı törədən Tərxan Rzayev sürücülük vəsiqəsinin vaxtı bitdiyi üçün “ASAN Xidmət” mərkəzinə gedirmiş. Yolda olan zaman sükan arxasında yuxuladığı üçün idarəetməni itirib və yolun kənarında dayanan şəxsi vurub.
Mərhum Malik Əliyev yol kənarında dayanan zaman həyat yoldaşı ilə telefonla danışırmış. O, maşının gəldiyini görməyib və maşının altında qalıb.
Hüquqi varis kimi M.Əliyevin xanımı ifadə verən zaman deyib ki, mərhum əri ilə danışan zaman anidən səs kəsilib. Bir neçə dəqiqə sonra tanımadığı şəxs telefonda ona M.Əliyevi maşın vurduğunu deyib.
Məhkəmə təqsirləndirilən şəxsin ilk dəfə cinayət əməli törətməsini, əməlindən peşman olmasını, zərərçəkmiş tərəflə barışıq olmasını nəzərə alıb.
Hökmə əsasən, Tərxan Rzayev şərti cəza alıb.
Musavat.com
XƏBƏR LENTİ
02 Avqust 2025
ŞƏRHLƏRŞƏRH YAZ