Onlayn ictimai-siyasi qəzet
Cənubi Koreyadan sərt reaksiya: “Rusiya ilə KXDR arasında hərbi əməkdaşlıq..."
Cənubi Koreya Rusiya Federasiyası ilə KXDR arasında hərbi əməkdaşlığı BMT Təhlükəsizlik Şurasının qətnamələrinin pozulması kimi qiymətləndirib.
Musavat.com Rusiya mətbuatına istinadən məlumat verir ki, bu barədə Koreya Respublikasının Xarici İşlər Nazirliyi məlumat yayıb.
Bildirilib ki, Cənubi Koreya hökuməti Rusiya prezidenti Vladimir Putinin Şimali Koreyaya səfərini diqqətlə izləyib. Koreya Respublikası Xarici İşlər Nazirliyinin sözçüsü Lim Soo Seok brifinqdə deyib: “Rusiya və KXDR arasında Hərtərəfli Strateji Tərəfdaşlıq Sazişi imzalamasından təəssüflənirik”.
O əlavə edib ki, Seul Cənubi Koreyanın təhlükəsizliyini təhdid edən istənilən hərəkətə “qətiyyətli və qəti” cavab vermək üçün beynəlxalq ictimaiyyətdəki müttəfiqləri və dost ölkələr ilə işləməyə davam edəcək.
Nigar HƏSƏNLİ,
Musavat.com
XƏBƏR LENTİ
30 Noyabr 2024
29 Noyabr 2024
ŞƏRHLƏRŞƏRH YAZ