Onlayn ictimai-siyasi qəzet
Bu pendiri almısınızsa, dərhal qaytarın - Bakteriya AŞKARLANIB
Şotlandiyalı qida mütəxəssisləri “Hebridean Blue Cheese” adlı pendirdə təhlükəli bakteriya aşkarlayıblar.
Musavat.com “Daily Mail”ə istinadən xəbər verir ki, “Isle of Mull Cheese” brendinə aid məhsulda “Shiga” toksini istehsal edən “Escherichia coli” (STEC) bakteriyasının olduğu müəyyən edilib.
Bu mikroorqanizm qida zəhərlənmələrinə səbəb olmaqla yanaşı, böyrəklərin fəaliyyətini ciddi şəkildə poza bilər.
Mütəxəssislər bildiriblər ki, bu bakteriyaya yoluxan insanlarda mədə ağrısı, qusma və iki həftəyə qədər davam edə bilən ishal müşahidə olunur. Xəstələrin təxminən 15 faizində böyrək çatışmazlığı inkişaf edərək dializ müalicəsinə ehtiyac yaranır. Əsas risk qrupuna isə 5-6 yaşlı uşaqlar, yaşlılar və immun sistemi zəif olan şəxslər daxildir.
“Daily Mail”in məlumatına görə, yoluxma riski daşıyan “Hebridean Blue Cheese” pendirlərinin son istifadə tarixi 10 aprel 2025-ci il kimi qeyd olunub. Bu məhsulların satıldığı mağazalardan geri qaytarılması tələb edilib. Şirkət geri çağırılan pendirlərdə patogen bakteriyaların aşkar olunmadığını bildirsə də, qida təhlükəsizliyi mütəxəssisləri ehtiyatlı olmağı tövsiyə edirlər.
Musavat.com
XƏBƏR LENTİ
04 Aprel 2025
03 Aprel 2025
ŞƏRHLƏRŞƏRH YAZ