Onlayn ictimai-siyasi qəzet
Bu bazarda Novruz süfrəsi üçün ucuz məhsullar satılır - REPORTAJ, FOTOLAR
Novruz bayramına bir neçə gün qalır. Bu günlərdə hər kəs bayram süfrəsini bəzəmək üçün, valideynlər isə övladlarının bayram tədbirləri üçün tədarük görürlər. Xüsusilə bayram xonçasını hazırlamaq üçün münasib qiymətə olan səbətlər, səmənilər, suvenirlərə və s. ehtiyac var.
Musavat.com-un əməkdaşı Bakı Dəmiryolu Vağzalının yanında yerləşən pərakəndə və topdan satış məntəqəsində qiymətlərlə maraqlanıb.
Kiçik səbətlər 3-6 manat, böyüklər 17 manata satılır. Orta ölçülü səbətləri 10 manata əldə etmək olar.
Heykəlciklərin qiyməti 1 manat 50 qəpikdir. Nisbətən böyüklər 2-3 manata satılır. Milli geyimli heykəlciklərin qiyməti isə belədir: kiçiklər 4 manat, böyüklər 10 manat.
Bayram şamlarının qiyməti 40; 50; 80 qəpikdir. Dovşan və səməni fiqurlu şamlar 1 manata satılır. Kiçik şüşə qabda bəzəkli şamlar isə 1 manat 50 qəpikdir.
Bazarda çox çeşiddə şəkərbura, paxlava, qoğal və s. suvenirlər var. Onların qiyməti 1 manat, 1 manat 50 qəpikdir.
Şəkilli yumurta örtüyü 20 qəpikdir.
Rəngləndirici isə 1 manat 50 qəpiyə satılır. Səmənilərin qiyməti 8-10 manatdır.
Nigar HƏSƏNLİ,
FOTOLAR MÜƏLLİFİNDİR
Musavat.com
XƏBƏR LENTİ
03 Dekabr 2024
ŞƏRHLƏRŞƏRH YAZ