Onlayn ictimai-siyasi qəzet
Britaniya və Aİ birgə müdafiə paktı üzrə danışıqları sürətləndirib
Donald Trampın seçkilərdə qələbəsindən sonra Böyük Britaniya və Avropa İttifaqı ABŞ-ın Ukraynaya yardımdan və Avropanı Rusiyadan qorumaqdan imtina edəcəyi halda işə salınması nəzərdə tutulan müdafiə paktı üzrə danışıqları sürətləndirib.
Musavat.com xəbər verir ki, bu barədə məlumatı Bloomberg yayıb.
Böyük Britaniyanın baş naziri Keir Starmer və Aİ liderləri bu gün Budapeştdə keçirilən zirvə görüşündən istifadə edərək təhlükəsizlik əlaqələrinin yaxşılaşdırılmasına dair danışıqları sürətləndiriblər. Britaniya rəsmiləri belə bir pakta nələrin daxil ediləcəyini öyrənir və birgə silah alışı və daha çox birgə hərbi təlimlər və ekspedisiyalar kimi addımları nəzərdən keçirir.
Aİ-nin Ukraynaya etdiyi yardımın ümumi dəyəri indiyədək ABŞ-dan çox olsa da, silahların əsas hissəsini Amerika təmin edib, Avropa isə maliyyə dəstəyinə daha çox diqqət yetirib. Avropalı diplomatlardan biri deyib ki, Aİ ölkələri Ukraynaya göndərmək üçün əsasən mövcud silah ehtiyatlarından istifadə ediblər, lakin Britaniya daha yaxşı ehtiyata malikdir.
Britaniya hökumətinin sözçüsünə görə, baş nazir Keir Starmer və Polşa prezidenti Donald Tusk "xüsusilə Rusiyanın davam edən təcavüzü qarşısında mövcud müdafiə və təhlükəsizlik tərəfdaşlıqlarını dərinləşdirmək istəklərini müzakirə ediblər".
Musavat.com
XƏBƏR LENTİ
23 Noyabr 2024
22 Noyabr 2024
ŞƏRHLƏRŞƏRH YAZ