Onlayn ictimai-siyasi qəzet
Britaniya “Breksit”ə görə peşman olub
Avropa İttifaqından çıxmaq qərarı (“Breksit”) Britaniya iqtisadiyyatına ağır zərbə vurub.
Musavat.com xarici mediaya istinadla xəbər verir ki, bu etirafı Böyük Britaniyanın ticarət naziri Duqlas Aleksandr Fransa mediasına müsahibəsində verib. O, öz vəzifəsini zərəri minimuma endirmək, dünya ictimaiyyəti və xüsusilə də Aİ ilə yeni ticarət əlaqələri qurmaqda görür.
Keyr Starmerin Leyboristlər hökuməti “Breksit”dən gələn zərəri minimuma endirməkdə qərarlıdır. Ölkənin Aİ-dən çıxması Britaniyanın xarici ticarətində “kütləvi pozulmaya” səbəb olub.
Aleksandr xatırladıb ki, Britaniyanın Aİ ilə ticarət həcmi hələ də böyükdür: ölkənin ticarət dövriyyəsinin 47%-i. Buna görə də, o əmindir ki, London və Brüssel “münasibətləri yenidən qurmalıdır”.
Leyboristlər hökuməti gələn ilin yazına qədər yeni ticarət və iqtisadi inkişaf strategiyasını hazırlayıb dərc etməyi planlaşdırır. O, yəqin ki, mühafizəkar hökumətlərin ölkəni Aİ-dən çıxararkən qoyduğu vurğu kimi olmayacaq. Hərtərəfli ticarət sazişinin bağlanması ilə ABŞ-la maksimum yaxınlaşmağa ümid etmək əvəzinə, əsas diqqət Avropa ilə ticarətin inkişafına yönəldiləcək.
“Breksit”i həyata keçirən Boris Consonun hökumətinin Aİ-dən çıxması nəticəsində dəymiş ziyanın ABŞ-la ticarət razılaşması ilə kompensasiya ediləcəyi gözləntisi özünü doğrultmayıb. Cozef Bayden administrasiyası bu müqaviləyə girmək istəmədiyini göstərib. Əgər noyabrın 5-də keçiriləcək prezident seçkilərindən sonra Kamala Harris prezident olarsa, o zaman onun hazırkı prezidentin kursunu davam etdirməsi ehtimalı yüksəkdir. Donald Tramp qalib gəlsə, vəziyyət dəyişə bilər. Məhz o, vaxtilə Britaniya hökumətini Aİ-dən çıxmağın faydaları ilə sınağa çəkib. Britaniya ilə ticarət müqaviləsi ideyası onun prezidentliyi dövründə yaranıb. Amma Trampın qalib gələcəyi fakt deyil və Trampın qalib gələrək bu fikrə qayıdacağı da dəqiq deyil.
Musavat.com
XƏBƏR LENTİ
24 Noyabr 2024
23 Noyabr 2024
ŞƏRHLƏRŞƏRH YAZ