İnsanlara hürriyət, millətlərə istiqlal!

Azərbaycanda tanınmış müəllim vəfat etdi

Bakı Dövlət Universitetinin (BDU) Coğrafiya fakültəsinin Hidrometeorologiya kafedrasının dosenti Sabir İskəndərov vəfat edib.

Sabir İskəndərov 1941-ci il iyunun 10-da Gürcüstanın Bolnisi rayonunda anadan olub. 1948-1959-ci illərdə Faxralı kənd orta məktəbində oxuyub. 1960-1965-ci illərdə Azərbaycan Politexnik İnstitutunda təhsil alıb. 1965-1966-cı illərdə Su Problemləri Elmi-Tədqiqat İnstitutunda, 1966-1969-cu illərdə Su Təsərrüfatı Qurğuları Layihələndirmə İnstitutunda mühəndis, 1969-1972-ci illərdə Moskva Hidromeliorasiya İnstitutunda kiçik elmi işçi, 1972-1975-ci illərdə Su Problemləri Elmi-Tədqiqat İnstitutunda baş elmi işçi, 1972-1982-ci illərdə BDU-nun Coğrafiya fakültəsinin Hidrometeorologiya kafedrasında baş müəllim, 1982-ci ildən həmin kafedranın dosenti kimi çalışıb.

Sabir İskəndərovun əsas tədqiqat sahəsi hidrometeorologiya, su ehtiyatları və ondan səmərəli istifadə və su təsərrüfatı hesablamaları olub. O, 100-ə yaxın elmi məqalənin və iki dərs vəsaitinin müəllifi idi.

BDU rəhbərliyi və kollektivi dosent Sabir İskəndərovun vəfatından kədərləndiyini bildirir, ailəsinə dərin hüznlə başsağlığı verir.

Allah rəhmət eləsin!

ŞƏRHLƏRŞƏRH YAZ

Şərh yoxdur

ƏLAQƏLİ XƏBƏRLƏR

27.11.2024 335

Gömrük tarifi ilə bağlı yeniliklər gəlir
27.11.2024 521

Azərbaycanda tanınmış müəllim vəfat etdi
27.11.2024 1897

2025-ci il üçün yaşayış minimumu bu qədər olacaq-Təsdiqləndi

XƏBƏR LENTİ

27 Noyabr 2024

BÜTÜN XƏBƏRLƏR