Onlayn ictimai-siyasi qəzet
“Azərbaycan Dəmir Yolları” sərnişin daşınmasını 10 %-dən çox artırıb
Bu ilin yanvar-mart aylarında “Azərbaycan Dəmir Yolları” QSC (ADY) 2 milyon 74 min 455 sərnişin daşıyıb.
Musavat.com bu barədə ADY-yə istinadən xəbər verir.
Məlumata görə, bu, ötən ilin eyni dövrü ilə müqayisədə 193 min 101 sərnişin və ya 10,3 % çoxdur.
Bu müddət ərzində Abeşeron dairəvi marşrutu üzrəqatarlarla 1 milyon 950 min 282 sərnişin daşınıb. Bu da 2024-cü ilin ilk rübünün nəticələri ilə müqayisədə 158 min 983 sərnişin və ya 8,9 % çoxdur.
Bu ilin yanvar-mart aylarında Bakı-Ağstafa-Bakı marşrutu üzrə 95 016 sərnişin daşınıb ki, bu da daha əvvəlki ilin eyni ayı ilə müqayisədə 15 751 sərnişin və ya 19,9 % çoxdur.
Bu ilin ilk üç ayında Bakı-Qəbələ-Bakı marşrutu üzrə 10 679 sərnişin daşınıb ki, bu da 2024-cü ilin ilk üç ayı ilə müqayisədə 111 sərnişin və ya 1,02 % azdır.
O cümlədən, ilin birinci rübündə qatarla səfər etmiş xarici turistlərin sayı 1 478 sərnişin və ya 33,3 % artaraq 5 921 nəfər olub.
Hesabat dövründə Bakı-Balakən-Bakı marşrutu üzrə 18 478 sərnişin daşınıb.
XƏBƏR LENTİ
04 Aprel 2025
ŞƏRHLƏRŞƏRH YAZ