Onlayn ictimai-siyasi qəzet
Avropa müdafiə xərclərini ikiqat artırmalı olacaq
Avropanın əsas ölkələri Rusiyanın Ukraynadakı təcavüzünə, həmçinin Donald Trampın prezidentliyi dövründə Amerika dəstəyinin mümkün azalmasına cavab vermək üçün müdafiə xərclərini ikiqat artırmalı ola bilər.
Musavat.com "Bloomberg Intelligence"in hesabatına istinadən xəbər verir ki, Avropanın ən böyük 15 NATO üzvü hərbi xərclərini ildə 340 milyard dollar artıraraq 720 milyard dollara çatdırmalı ola bilər.
"Bloomberg Intelligence" analitiki Corc Ferguson yazır:
"Rusiyanın təcavüzü artıq Avropada müdafiə xərclərini artırıb. Lakin Ukraynanı dəstəkləmək, Moskvanın aqressiv regional mövqeyinə qarşı çıxmaq və Çinlə dərinləşən strateji rəqabəti həll etmək üçün daha çox vəsait tələb oluna bilər".
Hesabata görə, Avropanın təcili olaraq quru qoşunları üçün döyüş tanklarına, artilleriya qurğularına və piyada döyüş maşınlarına, həmçinin təchizatçı, yükdaşıyan təyyarələr və sualtı ovçular kimi dəstək maşınlarına ehtiyacı var.
Analitiklər hesab edirlər ki, Avropada hərbi xərclərin artmasından "Leonardo SpA", "Airbus SE", "BAE Systems Plc" və "Rolls Royce Holdings Plc" kimi şirkətlər böyük fayda götürəcəklər.
Qeyd edilir ki, bölgənin müdafiə sənayesi bazası, çox güman ki, qısa və ortamüddətli dövrdə lazım olan hər şeyi təmin edə bilməyəcək:
"Avropalılar bir sıra büdcə xərc prioritetlərinə yenidən baxmalı ola bilər, lakin təhlükənin miqyası elədir ki, onlar buna məhəl qoymaya bilməzlər".
Musavat.com
XƏBƏR LENTİ
19 Noyabr 2024
ŞƏRHLƏRŞƏRH YAZ