Onlayn ictimai-siyasi qəzet
Almaniya iqtisadiyyatı tənəzzüldən çıxır: Ekspertlər “tunelin sonunda işıq” görürlər
Almaniya iqtisadiyyatı tədricən tənəzzüldən çıxır.
Musavat.com xəbər verir ki, bu, Almaniyanın aparıcı iqtisadi qurumlarının ölkənin iqtisadiyyatının bərpası ilə bağlı yenilənmiş proqnozlarında əksini tapır.
Dünya İqtisadiyyatı İnstitutunun (IfW, Kiel) prezidenti Moriz Şularikə görə, "tunelin sonunda işıq var": "Almaniya iqtisadiyyatının tənəzzüldən çıxa biləcəyinə dair artan işarələr var".
Bununla belə, ekspertlər hələ də 2024-cü ildə kəskin artım gözləmirlər. Onlar hesab edirlər ki, Almaniya iqtisadiyyatı ilk növbədə ixracın artımı və şəxsi istehlakın bərpası hesabına dəstəklənəcək. Yüksək əmək haqqı və aşağı inflyasiya istehlak tələbini stimullaşdıra bilər.
IfW 2024-cü ildə istehsalın 0,2 faiz artacağını proqnozlaşdırır. Yazda bu göstərici 0,1 faiz olub. 2025-ci ildə isə artım 1,1 faiz səviyyəsində gözlənilir (yaz proqnozu: 1,2 faiz). Keçən il orta hesabla 5,9 faiz olan inflyasiyanın 2 faiz ətrafında sabitləşməsi ehtimalı var.
RWI İqtisadi Tədqiqatlar İnstitutunun (Essen) ekspertləri daha optimistdirlər. Onlar 2024-cü il üçün iqtisadi artım proqnozunu 0,3 faizdən 0,4 faizə qaldırıblar. Ekspertlərin fikrincə, enerji qiymətləri və iqtisadi siyasətin necə inkişaf edəcəyi ilə bağlı qeyri-müəyyənlik olsa belə, iqtisadi bərpanın gələcək rüblərdə müəyyən sürət qazanacağı, 2025-ci ildə istehsalın 1,5 faiz artacağı gözlənilir.
Musavat.com
XƏBƏR LENTİ
22 Noyabr 2024
ŞƏRHLƏRŞƏRH YAZ