Onlayn ictimai-siyasi qəzet
ABŞ-ın rüsumları yalnız bir ölkəyə qarşı yönəlib
ABŞ-ın yeni administrasiyasının tətbiq etdiyi yüksək gömrük tariflərinin ünvanı xeyli sayda ölkə olsa da, əsas hədəfin Çin olduğunu düşünənlərin sayı daha çoxdur.
Musavat.com-un xəbərinə görə, iqtisadçı-ekspert Rövşən Ağayev bildirib ki, Çinin nəhəng ixracatının (2024-cü ildə 3,5 trilyon dollar) təxminən 6-da biri (463 milyard dollar) ABŞ-ın istehlakına gedir.
Ekspertin fikrincə, ABŞ bu yolla özünün əsas hərbi-siyasi rəqibini zəiflədə biləcəyini hesablayır:
“ABŞ-ın Çindən az qala 2 dəfə az olan (2 trilyon dollar) ixracatının daha az hissəsi – 7 faizi və ya 143 milyard dolları Çin bazarına yönəlib. Tramp hələ özünün ilk prezidentliyi dövründə də Çindən idxal olunan bəzi mallara (günəş panelləri, paltaryuyan maşınlar və s.) 25-30 faizlik yüksək gömrük tarifləri tətbiq etmişdi. Sonrakı administrasiya da bu tarifləri qüvvədə saxlamaqla yanaşı, bəzi yüksək texnoloji məhsulların (çiplərin) Çinə ixracına məhdudiyyətlər gətirdi”.
Rövşən Ağayev bildirib ki, ABŞ-da tətbiq olunan yüksək gömrük tariflərinin bənzəri 30-cu illərin qlobal iqtisadi böhranı dövründə də olmuşdu:
“Senator Rid Smut və konqresmen Uillis C.Havley tərəfindən 20 000 məhsulun idxalına 20-60 faiz intervalında məhsula rüsum tətbiqini nəzərdə tutan, Amerika ticarətini xarici rəqabətdən qorumağı hədəfləyən qanun layihəsini respublikaçı prezident Huver imzaladı. Nəticədə ABŞ-ın idxalı 40 faiz, ixrac 75 faiz azaldı. 2 ildə qolabal ticarəti 67 faiz kiçildi. Məhz bu tarixi təcrübə ABŞ-ı İkinci Dünya müharibəsindən sonra azad ticarəti təşviq etməyə məcbur buraxdı”.
Musavat.com
XƏBƏR LENTİ
04 Aprel 2025
ŞƏRHLƏRŞƏRH YAZ