Onlayn ictimai-siyasi qəzet
ABŞ F-47 qırıcılarını KİMLƏRƏ satacaq?
ABŞ prezidenti Donald Tramp, ABŞ-ın yeni nəsil F-47 qırıcılarını müəyyən müttəfiqlərə satmağı nəzərdən keçirdiyini açıqlayıb. Lakin bu təyyarələr bəzi məxfi texnologiyalardan məhrum olacaq.
Musavat.com-un məlumatına görə, F-47 gizlilik texnologiyasında əhəmiyyətli irəliləyişə malikdir və pilotsuz uçuş aparatları (PUA) ilə birlikdə işləmək üçün dizayn edilib. Bu, ona həm döyüş, həm də kəşfiyyat baxımından üstünlüklər qazandırır və mübahisəli hava məkanlarından radarlara yaxalanmadan keçməyə imkan verir.
“Bu təyyarə pilotsuz uçuş aparatları ilə uçur. Bunu başqa heç bir təyyarə edə bilmir”, – deyə Tramp bildirib.
Hazırda ABŞ Hərbi Hava Qüvvələri General Atomics və Anduril adlı texnologiya startapı ilə birgə bu proqram üçün PUA prototipləri üzərində işləyir. Nəticədə bu şirkətlərdən biri minlərlə pilotsuz uçuş aparatı istehsal etmək üçün müqavilə qazanacaq. Bu dronlar müşahidə aparmaq və təhlükəli ərazilərdə hədəflərə zərbə endirmək üçün istifadə olunacaq.
Trampın sözlərinə görə, müəyyən müttəfiq ölkələr bu yeni qırıcılarla maraqlanır və ABŞ onları ixrac etməyə hazırdır. Bununla belə, ixrac edilən versiyalar bəzi həssas texnologiyalardan məhrum olacaq.
“Biz onları təxminən 10% sadələşdirmək istərdik. Bu, məntiqlidir, çünki bəlkə də gələcəkdə onlar bizim müttəfiqimiz olmayacaq, elə deyilmi?” – deyə Tramp əlavə edib.
Musavat.com
XƏBƏR LENTİ
22 Mart 2025
ŞƏRHLƏRŞƏRH YAZ