Onlayn ictimai-siyasi qəzet
28 özbək miqrant Rusiyada qeyri-qanuni sertifikat alıb
Bryanskda məhkəmə Özbəkistan vətəndaşlarının qeyri-qanuni yolla əldə etdikləri rus dilini bilmə sertifikatlarının ləğvi ilə bağlı 28 iddianı qəbul edib.
Musavat.com xəbər verir ki, bu barədə ümumi yurisdiksiya məhkəmələrinin regional mətbuat xidməti məlumat yayıb.
Bildirilir ki, 2021-ci ildə Özbəkistanın 28 vətəndaşı rus dilini, Rusiya tarixini və Rusiya qanunvericiliyinin əsaslarını bilmək sertifikatları əsasında müvəqqəti yaşamaq icazəsi alıb.
İddia olunur ki, əslində Seltse şəhərindəki müəssisədə işləyən vətəndaşlar rus dilini bilməyiblər və sertifikat almaq üçün tələb olunan minimum biliyə malik olmayıblar.
Açıqlamada qeyd edilir ki, miqrantlar A.S.Puşkin adına Dövlət Rus Dili İnstitutunda imtahan veriblər. İnstitut əməkdaşları öz işlərini saxtalaşdırıblar, bunun əsasında sertifikatlar verilib.
Miqrantlar üçün tətbiq olunan imtahanların əslində yeni rüşvət mənbəyi olduğu barədə iddialar ilk gündən vardı. İndi təsdiq olunur ki, sxem artıq işləyir: miqantlar pullarınə verib sertifikatlarını alırlar. İfşa olunanlar isə çox az saydadır.
Musavat.com
XƏBƏR LENTİ
22 Sentyabr 2024
21 Sentyabr 2024
ŞƏRHLƏRŞƏRH YAZ