Onlayn ictimai-siyasi qəzet
Son günlərdə sosial şəbəkələrdə İranda molların gənclər tərəfindən döyülməsi, başlarından əmmamələrinin salınması ilə bağlı çoxsaylı videolar yayılır.
Musavat.com xəbər verir ki, yayılan videoların hamısı eyni süjetlə çəkilir- bir gənc video çəkir, digəri isə qaçaraq qarşıda gedən mollanın başındakı əmmaməni vurub, yerə salır.
Lakin bununla bərabər artıq mollaların döyülməsi halına da rast gəlinir. Noyabrın 2-də Təbrizin Qüds şəhərciyinin Yağçiyan məscidinin imamı Höccətülislam Əmirxanı məsciddən evinə qayıtdığı vaxt naməlum gənclər tərəfindən döyülüb.
Mediaya açıqlamasında Əmirxani gənclərin onu vurub yıxdıqdan sonra təpiklədiklərini, qol və qıç sümüklərinin çatladığını və bir neçə dişinin sındırıldığını deyib. O, hücum edənlərin iki minik avtomobili ilə onu izlədiklərini və saylarının 7-8 nəfər olduğunu bildirib.
Xeyli müddətdir davam edən və dünyanın dörd bir yanından dəstək alan iranlı qadınların mübarizəsi, mollaların döyülməsi halları xalqın mövcud rejimin qadağalarından təngə gəldiyini göstərir, eyni zamanda artıq çağdaş dövrdə insanların məhdudiyyətlərlə yaşaması insan hüquqlarının kobud şəkildə pozulması kimi qiymətləndirilir.
İran hakimiyyəti isə bütün bunların qarşsında xeyli aciz görünür. Problemi həll etmək, vəziyyəti sakitləşdirmək yerinə daha da gərginləşdirir. Məsələn, prezident Rəisi etirazçılara “milçək” dedi və aksiyaçılar daha da hiddətlənib, meydanlardan çəkilmədilər.
Baş verənlərin fonunda bəzi irançılar isə bu aksiyalara “din əleyhinə çıxmaq” donu geyindirməyə çalışır. Əslində isə kimsəyə sirr deyil ki, İran İslam dinini artıq bir biznes vasitəsinə çevirib. Məsələn, İran İslamın 5 əsas şərtindən birinə - Həcc (Kəbə) ziyarətinə qarşı alternativ olaraq Ərbəin ziyarətini yaradıb.
İran rejimi bundan həm Səudiyyə Ərəbistanla mübarizədə istifadə edir, həm İslam dininin parçalanmasını dərinləşdirir, həm də Kərbəla ziyarəti üzərindən qurduğu biznesi inkişaf etdirir.
İran Əhli-Beytin müqəddəs məkanlarına – həm Kərbəla-Nəcəf, həm Məşhəd-Qum səfərlərindən nə qədər pul qazanır və bu pulları hara xərcləyir? Məlumatlar var ki, əldə olunan gəlirlər İranın başqa ölkələrdə silahlı dəstələrin maliyyələşməsinə xərclənir.
Bu baxımdan da şübhə yoxdur ki, İranda dəb halını almağa başlayan mollaların döyülməsi gec-tez “molla rejimi”nin sonunu gətirəcək. İranın bir zamanlar tərəfdarı olan şəxslərin böyük qismi də bu gerçəklikləri görürlər və baş verənlərə artıq öz etirazlarını bildirirlər.
Əli Rais,
Musavat.com
13 Oktyabr 2023
06 Oktyabr 2023
20 Sentyabr 2023
29 May 2023
17 May 2023
24 Mart 2023
27 Fevral 2023
01 Fevral 2023
18 Dekabr 2022
19:13 Naxçıvana 30 ildir "kor baxanlar" Xankəndini blokadada görür-Yollar Zəngəzur dəhlizindən keçir
16 Dekabr 2022
07 Dekabr 2022
04 Dekabr 2022
29 Noyabr 2022
24 Noyabr 2022
19 Noyabr 2022
15 Noyabr 2022
04 Noyabr 2022
24 Oktyabr 2022
03 Oktyabr 2022
12 Avqust 2022
02 Avqust 2022
20 Iyul 2022
19 Iyul 2022
15 Iyul 2022
ŞƏRHLƏRŞƏRH YAZ