Onlayn ictimai-siyasi qəzet
Zelenski: “Dmitriyevin ABŞ-a səfəri 300 milyard dollarla bağlıdır”
Ukrayna prezidenti Vladimir Zelenski Rusiya prezidentinin xüsusi nümayəndəsi Kirill Dmitriyevin ABŞ-a səfərinin Rusiyanın dondurulmuş 300 milyard dollarlıq aktivlərinin çıxarılması cəhdləri ilə bağlı olduğunu və bu məsələ ilə bağlı Avropa ölkələri ilə də danışıqların aparıldığını bildirib.
Musavat.com xarici mediaya istinadla xəbər verir ki, Vladimir Zelenski brifinq zamanı deyib: “Biz onun ABŞ-da olmasının əlavə səbəblərini bilirik. Üstəlik, o, təkcə ABŞ-da deyildi. Düşmənlərimizin hərəkətlərini izləyirik. Əsas sual dondurulmuş 300 milyard aktivin necə çıxarılacağıdır”.
Onun sözlərinə görə, Moskva guya bəzi ölkələrə dondurulmuş aktivlərin məbləği müqabilində məhsullar, o cümlədən yüksək texnologiyalı məhsullar almağı təklif edir ki, onların çıxarılmasına kömək etsinlər.
Ukrayna prezidenti onu da vurğulayıb ki, bu vəsaitlər Avropa banklarında blokda qalır və Avropa İttifaqı onları yenidən Rusiyaya köçürmək niyyətində deyil.
Eyni zamanda, Kirill Dmitriyev Vaşinqtona səfərinin nəticələrini şərh edərkən, görüşlər zamanı dondurulmuş aktivlər mövzusunun müzakirə olunduğunu təsdiqləməyib.
Musavat.com
XƏBƏR LENTİ
06 Aprel 2025
05 Aprel 2025
ŞƏRHLƏRŞƏRH YAZ