Onlayn ictimai-siyasi qəzet
Zelenski: Biz azərbaycanlıların pul qazanmasına imkan yarada bilərikmi?
Ukrayna prezidenti Vladimir Zelenski Azərbaycan prezidenti İlham Əliyevlə Azərbaycan qazının nəqli üçün Ukrayna infrastrukturundan istifadə məsələsini müzakirə edib.
Musavat.com xəbər verir ki, bu məlumatı Kiyevdə Moldova Prezidenti Maia Sandu ilə birgə mətbuat konfransında Ukrayn prezidenti açıqlayıb.
Zelenskinin sözlərinə görə, müzakirə Davosda baş tutan görüşdə aparılıb:
"Qaz məsələsinə gəlincə, biz İlham Əliyevlə İsveçrədə danışdıq, onun ölkəsinin böyük qaz hasilatı, qaz ixracı üçün böyük imkanları var. Avropanın qaza ehtiyacı olsa, infrastrukturumuzdan istifadə edə bilərdik. Amma Rusiya qazı yox".
Zelenski bildirib ki, Ukrayna Azərbaycandan qaz tranzitini sürətlə qura bilər:
"Biz azərbaycanlılara pul qazanmağa imkan yarada bilərikmi? Məmnuniyyətlə. Slovaklara kömək edərikmi? Məmnuniyyətlə. Biz bunu tez edə bilərik. Müqavilə bağlaya bilərik, işi tez qura bilərik".
Qeyd edək ki, Davosda iki prezidentin görüşdüyünə dair məlumat açıqlanıb, lakin detallara toxunulmamışdı.
Musavat.com
XƏBƏR LENTİ
27 Yanvar 2025
26 Yanvar 2025
ŞƏRHLƏRŞƏRH YAZ