Onlayn ictimai-siyasi qəzet
"Xaricdə təhsillə bağlı Fərmandan sonra bu il mühəndislik, elm, texnologiya sahəsində olan tələbələrin xaricə göndərilməsini təmin edirik. İlk il olduğuna görə, magistr səviyyəsi üzrə xaricdə təhsil proqramının meyarlarına uyğun gələn müraciətlərin sayı düşündüyümüzdən az olub".
Musavat.com xəbər verir ki, bunu elm və təhsil naziri Emin Əmrullayev deyib.
O bildirib ki, 80 bakalavr, 190 nəfər isə magistr üzrə xaricdə təhsil proqramına seçilib:
"Boş qalan yerlərə də elan verilib. Düşünürəm ki, bu həftə və ya gələn həftə təkrar müraciətlərə baxılacaq. Bu il ümumilikdə 300-dən artıq tələbənin xaricdə təhsil proqramına seçiləcəyini proqnozlaşdırırıq".
Nazir onu da əlavə edib ki, yaxın vaxtlarda xaricdə təhsil üzrə dövlət proqramının nəticələri açıqlanacaq.
Afaq Mirayiq,
Musavat.com
14 Oktyabr 2024
ŞƏRHLƏRŞƏRH YAZ