Onlayn ictimai-siyasi qəzet
Ukrayna Rusiyanın yeni hücum dalğasını gözləyir – cəbhədə gərginlik
Musavat.com xəbər verir ki, "Associated Press" analitiklərə və Ukrayna Silahlı Qüvvələrinin komandirlərinə istinadən, Rusiyanın yaz mövsümündə genişmiqyaslı hücum planlaşdırdığını yazır. Bildirilir ki, Kremlin əsas məqsədi döyüş meydanında üstünlük qazanaraq danışıqlarda mövqeyini gücləndirməkdir.
Məlumata görə, Rusiya ordusu 1000 kilometrlik cəbhə xətti boyunca çoxşaxəli hücumlara hazırlaşır.
Donetsk bölgəsindəki ukraynalı batalyon komandirlərindən biri bildirib ki, “Kursk vilayətində qazanılan qələbələrdən ruhlanan Rusiya qoşunları daha da irəli getməyə çalışacaq”.
Eyni zamanda Pokrovsk yaxınlığında döyüşlər intensivləşib, Selyidovo bölgəsində isə Rusiya qüvvələrinin toplaşdığı müşahidə olunur.
Cəbhədə gedən ağır döyüşlər fonunda sülh danışıqları ilə bağlı qeyri-müəyyənlik ukraynalı əsgərlər arasında ruh düşkünlüyü yaradıb. “Heç kim bu danışıqlara inanmır”, – deyə bir ukraynalı hərbçi AP-yə bildirib. O, vəziyyətin ağır olduğunu qəbul etsə də, münaqişənin yeni mərhələyə keçəcəyinə ümid etdiklərini vurğulayıb.
Musavat.com
XƏBƏR LENTİ
01 Aprel 2025
31 Mart 2025
ŞƏRHLƏRŞƏRH YAZ