Onlayn ictimai-siyasi qəzet
Ukrayna desantçıları Rusiyanın xüsusi təyinatlılarını belə məhv etdi – Kurskdan döyüş VİDEOsu
Ukraynanın Hava Hücum Qoşunları (DŞV) Rusiya xüsusi təyinatlılarının Kursk vilayətinin Sudja şəhəri istiqamətində irəliləmək cəhdinin qarşısını alıb və onları məhv edib.
Musavat.com DŞV-nin rəsmi məlumatına əsasən xəbər verir ki, Rusiyanın hava-desant qüvvələri Sudja şəhərinin kənarında möhkəmlənməyə çalışırdı. Lakin Ukraynanın aero-kəşfiyyat bölmələri düşmənin hərəkətini müəyyən edərək, onların məhv edilməsi üçün zərbələr endirib.
“Düşmən canlı qüvvəsinə qarşı raket və artilleriya zərbələri endirildi, müxtəlif tipli pilotsuz sistemlər istifadə olundu”, – deyə Ukrayna desant qoşunlarının rəsmi açıqlamasında bildirilir.
Ukrayna hərbçiləri Rusiyanın Sudja istiqamətində böyük itkilər verdiyini və bölmələrinin mühasirəyə alındığını vurğulayıblar. “Rusiya qüvvələri bloklanır və məhv edilir. Düşmənin bu istiqamətdəki itkiləri çox böyükdür”, – deyə rəsmi açıqlamada qeyd edilib.
Bu hadisə Ukrayna Ordusunun şimal cəbhədə Rusiya qüvvələrinin irəliləyişini dayandırmaq və sərhəd zonalarında mövqelərini qorumaq strategiyasının uğurunu bir daha nümayiş etdirir.
Musavat.com
XƏBƏR LENTİ
09 Mart 2025
ŞƏRHLƏRŞƏRH YAZ