Onlayn ictimai-siyasi qəzet
Ukrayna dairəsində işıqfor quraşdırılacaq? - RƏSMİ cavab
Fevralın 12-də Musavat.com saytında sürücülərin Ukrayna dairəsindəki son dəyişikliklərdən sonra yaranan tıxacdan narazılığı ilə bağlı yazı dərc etmişdik.
https://musavat.com/news/suruculer-narazidir-ukrayna-dairesinde-tixac-niye-bitmir_1144811.html
Həmin vaxt AYNA-dan Musavat.com-un sorğusuna cavabda bildirilmişdi ki, Ukrayna dairəsində müşahidələr aparılır.
Qurumun mətbuat katibi Tural Orucov saytımıza açıqlamasında sürücülərin işıqfor quraşdırılması təklifi ilə bağlı qeyd etmişdi ki, dairədə təhlükəsizlik səviyyəsi artıb:
“Hərəkət axınları davamlı nəzarətdə saxlanılır və simulyasiyalar icra edilir. İşıqfor məsələsinə bu təhlillərin nəticəsindən sonra baxılacaq”.
https://musavat.com/news/ayna-dan-ukrayna-dairesi-ile-bagli-aciqlama_1144840.html
3 aydan artıq vaxt keçməsinə baxmayaraq, hələ də dairədə işıqfor quraşdırılmayıb, tıxac isə davam edir. Bu da sürücülərin haqlı narazılığına səbəb olur.
Musavat.com təhlillərin yekunlaşıb-yekunlaşmadığı, o cümlədən dairədə işıqforun nə zaman quraşdırılacağı barədə AYNA-ya sorğu ünvanlayıb.
Qurumun sözçüsü Tural Orucov sözügedən məsələ ilə bağlı hər hansı bir yenilik olacağı təqdirdə cavab olacağını bildirib.
Nigar HƏSƏNLİ,
Musavat.com
XƏBƏR LENTİ
19 May 2025
ŞƏRHLƏRŞƏRH YAZ